Ka sorkar  kala pynlut haduh T.350 klur tyngka ban kyrshan ia ka MCCL: Conrad    

Shillong, Lber 28: U myntri rangbah ka jylla u Conrad K Sangma haba jubab ia ki jingkylli bynrap jong u bah Ardent M Basaiawmoit ha kaba ia dei bad ka Mawmluh Cherra Cement Limited (MCCL) la iathuh ba naduh u snem 2006 haduh mynta ka sorkar kala bei T.350 klur ia  katei ka karkhana Dewbilat.

Ban ong ba ka sorkar kan dang iai bteng ban pyniaid ia katei k karkhana shna dewbilat kan nym lah shuh, dei na kane ka daw ba ka sorkar kla buh lai tylli ki jingpyrkhat, kawei ka long ba ka sorkar kan pyniaid biang ia ka ia kaba ka sorkar kan nym lah shuh, ban pynim biang ia ka da ka Public Private Partnership bad kawei pat ban shu khang khyrdep noh ia ka.

Ka sorkar kan nym lah shuh ban pyniaid ia ka namar ka don shibun kiwei ki jingpynlut, ban khang ia ka ruh ka sorkar kam kwah, dei halor kane ka nongrim ba ka sorkar ka sa pdiang ia kane ka rukom pyrkhat ban pyntrei kam ia ka ha ka PPP mood, kaba mut ba kan nym don ka jingbei pisa na ki riew shimet.

Shuwa ka jingjubb jong u myntri rangbah, na ka liang jong u myntri ba dei peit ia ka tnad karkhana u bah Sniawbhalang Dhar la iathuh ba ka sorkar kala ioh pdiang ia ki jingtyrwa na ki riew shimet ban pyniaid ia ka MCCL ia kaba ka sorkar kala ban shuh ia ki kot ki sla ban ioh jingshiai shuh shuwa ban shim ia ka rai.

U Myntri la iathuh hapoh ka iing dorbar ba ki nongtrei hapoh ka MCCL ki don 280 ngut , la ong ba ka sorkar ka siew ia ka tulop jong ki hynrei ka don kaba sah ruh, ha kine ki lai snem 2020-2023  ka jingiarap pisa ka sorkar sha ka MCCL ki long ha ka sien kaba nyngkong, T.13.18 klur, T.6.6 klur, T.25.48 lak, T.21.51 klur bad kaba khatduh T. 4 klur tyngka.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet