Shillong, Nohprah 13: U myntri ka tnad shna surok ka jylla u Martin M Danggo, haba jubab ia ka jingkylli jong u Bah Witting Mawsor ha kaba ia dei bad ka surok Nongstoin sha Maweit. Na ka liang jong u myntri u la ong ba ka kiba bun ki jingdon kam la lah ban pyndep hynrei ki dang don katto kane kiba dang sah ia kaba ym pat lah ban pyndep.
Na ka liang jong u myntri u la ong ba ka sorkar kala shim khia bha ha kaba ia dei bad kane ka surok Nongstoin sha Maweit, kam dei ba ka sorkar kala leh klet kumba la ong, kane ka surok ka long kaba don kam namar ka pyniasoh bad ki bynta jong ka Ranikor konstitwensy.
U Bah Mawsor, u la ong ba ka sorkar pdeng kala pynbna ia kane ka surok kum ka National Highway balei pat ka sorkar jylla ka dang pynslem, haba ia dei bad kane na ka liang jong u myntri u la iathuh hapoh ka iing dorbar ba ka sorkar jyll kala bud dien ia kane ka kam bad ka sorkar pdeng namar ia kiei kiei baroh la leh da ka sorkar pdeng.
