Ka sorkar kala thung ia u Chairman ka Lokayukta, dang wad sa ia ki dkhot: Conrad

Shillong, Risaw 16: Mynta ka sngi ka sorkar kala khot ia ka jingialang jong ka “Select Committee” hapoh ka jingpyniaid jong u myntri rangbah ka jylla kum u Chairman ban ia kren halor ka jingthung ia ki dkhot jong ka “Search Committee” ban jied ia ki dkhot  jong ka Lakayokta.

U Myntri rangbah ka jylla u Conrad k Sangma haba kren ha ki lad pathai khubor ha dien ka jingialang, u la iathuh ba mynta ka sngi ka thaw ia ka “Search Committee” ha kaba la jied hynriew ngut ki dkhot ba kin wad ia ki briew bad ai jingmut sha ka sorkar ban thung ia ki kum ki dkhot jong ka Lokayukta.

Na ka liang jong u myntri rangbah ym shym la iathuh katno por la ai lad ai kane ka “Search Committee” ba kan phah ia ki kyrteng sha ka sorkar na ka bynta ban thung ia ki dkhot, hynrei u la kane kam dei ka kam kaba suk namar namar haban peit iaki briew kiba dei na ka iing bishar.

La ong ba ka sorkar kala dep ban wan rah ia ka jingpynkylla ha ka Lokayukta ha kaba ka sorkar kala thung ia u Chairman ha ka snem kaba la dep bad kane kala lah ban trei kam, hynrei mynta kala thaw ia “Search Committee” ban thung ia ki dkhot hapoh jong ka Lokayokta.

Na ka liang jong u nongialam ka liang pyrshah u Dr Mukul Sangma u la iathuh ba ha kane ka jingialang kaba la long mynta ka sngi u la ong ba balei ka sorkar kala pynslem haduh shisnem ban thung ia ki dkhot jong ka Lokayukta.

La iathuh ba ia ka Lokayukta Act ha u snem 2014 bad katkum kane ka long ban peit ia ki jingshah kynnoh bamsap wat ia ka ophis jong u mytnri rangbah ka jylla bad kiwei kwiei, kumba la paw ha ki lad pathai khubor halor ka jingkynnoh bamsap ha GHADC.

What Next?

Recent Articles

Leave a Reply

Submit Comment

*