Shillong Nohprah 07: President ka Khasi Students Union (KSU) u samla Lambokstarwell Marngar u la ong ba ka sorkar kam dei ba leh arsap haba khot sha ka miej ia kren ia suk bad ka seng lehnoh ka Hynñiewtrep National Liberation Council (HNLC).
Haba kren ha ki lat pathai khubor ha kaba ia dei bad ka jingiakren ia suk bad ka seng lehnoh ka HNLC u la ong ba ka sorkar India baroh shikatta haba ka khot ia kren ia suk ka long ban iaid sha ka lynti kaba shai bad ka seng HNLC ruh kala kut jingmut kaba kila poi hs ka jingiakren ia suk.
La ong haba peit ha kine ki sngi la kumb ka jingleh ka sorkar ai khublei da kamnon bad dung pat da ka kdiang, la ong ba kane ka jingleh kan myn ialam sha ka jingbha hynrei kan ialam sha ka jingsniew pynbna kane ka dei ka jingiohi ka president ka KSU.
Haba khot sha ka jingiakren ka dei ban don ka jingthmu kaba bha kam dei ban don ka jingleh arsap, la pynkynmaw ba ki nongialam ka seng HNLC kila ia kynduh ia ki nongialam ka sorkar pdeng ha ka 23/Nailar/ 2022.
La pynkynmaw ba ka jingiakren ia suk la pyntyllun ia kane ka kam lyngba u bah Sadon Blah na ka liang jong ka seng HNLC kala phah 5 ngut kiba kynthup ia u Manbhalang Jyrwa vice Chairman, U Aristerwell Thongni Political Secretary, U Phrangkupar Diengdoh Foreign Secretary ryngkat ki arngut ki nongpahara ba kynthup ïa u Aiborlem Marbaniang bad u Storgy Lyngdoh.
