Shillong, Lber 21: Ha ka jingbubab bynrap jong u myntri rangbah ka jylla u Conrad K Sangma ha kaba ia dei bad ka National Games 2022, hapoh ka iing dorbar mynta ka sngi ia kaba la kylli da u Bah Lambor Malniang, u la ong ba, ia mynta ka sorkar kam patleh ia ka “Blue Print” , hynrei u la ong ba ka don ka Organizing Committee kaba de peit ia kane ha kaba u myntri rangbah ka jylla u long u Chairman.
Haba ia dei bad ka National Games 2022 ka ban long ha kane ka jylla Meghalaya, na ka liang jong u myntri rangbah u la ong ba kane ka dei ka burom ia ka jylla baroh kawei bad don kam ia ka jingiatreilang na baroh ki liang ban pynlong ia kane ka jingialehkai kaba jop.
U Ba Lambor Malniang, u la kylli hato kala don ne em ka jingkhot tender haba ia dei bad ki skhim bapher bapher ha kaba ia dei bad ka National Games 2022, haba jubab ia kane u myntri kam ialehkai u Bah Banteidor u la ong ba haduh mynta kila don tang lai tylli ki project kiba la dep ban khot tneder, ka Indoor Stadium ha Pamlakrai T.22.75 klur bad ar tylli ha Ampati, kawei ka Outdoor stadium bad kawei pat ka Indoor Stadium.
