Ka sorkar kan dang phah biang sha ka sorkar pdeng ia ka jingdon kam PHC ha Sawsymper: Hek

Shillong, Lber 22: U Myntri ka koit ka khiah jong ka sorkar jylla u Bah AL Hek, haba jubab ia ka jingkylli jong u Bah Himalaya M Shangpliang ha kaba ia dei bad ka PHC ha Sawsymper, na ka liang jong u myntri u la ong ba ka sorkar pdeng kam shym la pdiang ia kane ka jingpan jong ka sorkar jylla.

Na ka liang jong u myntri u la batai shuh shuh ba katkum ka jingpan jong ka sorkar jylla ban kyntiew ia ka Sawsymper Sub Centre sha ka Public Health Centre na ka liang jong ka sorkar pdeng kala kyntait ban pdiang  namar skhim kala heh palat namar la pan haduh 7.5 klur bad ha dien kata ka sorkar kala pynrit ia kane ka skhim sha ka 2.5 klur hynrei ia kane ruh khlem pdiang.

Na ka liang jong ka sorkar pdeng kala tyrwa ba ha ka jaka jong ka PHC dei ban buh noh da ka “Wellness Centre” ha ka tei ka jaka. Na ka liang jong u MLA jong ka Mawsynram u la ong ba kam kham lah ka PHC ban ia ka “Wellness Centre”.

Na ka liang jong u MLA jong ka Mawsynram u la kyntu ia ka sorkar ba ka dei ban phah sha ka sorkar pdeng ban pan ia ka PHC ha katei ka thain ha kaba ki don kumba 16 tylli ki shnong bad palat 20000 ngut ki paidbah nongshong shnong. Haba ia dei bad kane ka jingkyrpad na ka liang jong u myntri u la kular ban sa phah biang sha ka sorkar pdeng ha kaba ia dei bad ka jingpan ia ka PHC ha Sawsymper.

What Next?

Recent Articles

Leave a Reply

Submit Comment
*