Shillong, Naiwieng 01: U bah Dundee C Khongsit general secretary jong ka FKJGP sentg kmie u la ong ba lada jai ei ei ia ki briew Meghalaya EMRI Workers Union (MEMRIWU) ka sorkar ka hap ban shim ia ka jingkit khlieh, namar ka jingbakla dei ka sorkar bad kiba mat ia ki jingeh mynta dei ki nongtrei jong ka Kompeni GVK kiba pyniaid ia ki Ambulance 108.
Haba kren ha ki lad pathai khubor ha dien ka jingiakynduh ia u myntri ka tnad ka koit ka khiah jong ka sorkar jylla u bah AL Hek ha kaba ia dei bad ka jingiakhih ki nongtrei da kaba shah thang, u la ong ba kum ba ka paw mynta ka Kompeni kala shu niam bein ia ki nongtrei bad ka leh katba ka mon namar ka kompeni ka kham stad ban ia ka sorkar.
Ha kane ka jingiakynduh na ka liang jong ka FKJGP bad ka KSU ha ka jingiadon lang u nongialam jong ka MEMRIWU kila buh ia ki mat jingiakren ha khmat jong u myntri ka tnad ka koit ka khiah jong ka sorkar jylla, ha kaba ia dei bad ka jingsumar ia ki kali Ambulance ha kaba ki la ong ba ka sorkar kam dei ban shu kyrshan khlem ki kyndon, ka sorkar ka dei ban peit bniah na ka por sha ka por.
Ha kane ka jingiakren na ka liang jong u myntri u la ong ba kane ka jingiatehkular bad ka GVK Compeni kan kut ha u snem 2021, hynrei haba ki mih kine ki jingeh na ka liang jong ka sorkar kala ai por 60 sngi ia ka kompeni ba kan jubab.
Ha kane ka jingiakynduh kila ia kren halor ka jingleh donbor jong ka kompei kaba la khate iaka tulop jong ki nongtrei wat ha dien ba kala don ka jingiakren bad ka sorkar, hynrei ka kompnei ka khlem sngap. Ha kane ka jingiakynduh la kyntu ia ka sorkar ba kan shimti noh sha lade ban pyniaid ia kine ki kali ambulance bad lada ka aiti noh sha kiwei ki kompnei ruh ia ki nongtrei kiba don dei ban pynneh ka sorkar ka dei ban buh ia kane ka kyndon.
Kumba ka paw na kane ka jingiakynduh mynta ka sngi ka long ba ka sorkar ka dei pisa 90% hynrei ym ti kiei kita ki kyndon kiba la iateh hapdeng ka sorkar bad ka kompeni ba ka sah ioh ban leh mon haduh katne. Kumba ka long ka sorkar kala shuiasoi matlah ia ka jingiatehkular bad ha kane ka jingiakynduh mynta ka sngi kila kyntu ia ka sorkar ba ka dei ban da peit bniah ia ki kyndon shuwa ban ia soi lada dei ba ka aiti shawei ruh.
Haba ia dei bad kane ka jingshah thngan kum ki nongialam seng bhalang ki sngewsih ban iohi pa ki paradoh parasnam kin ia kynduh ia kane ka jingeh, wat la kila ia don lang bad ki hynrei kim lah ban pynbor ia ki ba kin sangeh noh ia kane ka jingiakhih jong ki. Ka jingeh kaba mih mynta ka long hapdeng ki nongtrei bad ka GVK kompnei.
Kumba ka long ka GVK Kompeni ia ka tulop jong ki nongtrei ruh ka siew kaba ka sngewbit, nangne sha khmat ka sorkar ka la dei ban peit ba ka jingmyntoi ka dei bna long ia ki trai jylla. Namar ka jingiasoi soskular ka la noh shiliang tang na ka bynta ka jingmyntoi jong ki kompeni ia kaba la soi ha u snem 2009. Kumba ka long mynta kim hap hapoh jong ka Labour law jong ka sorkar jylla.
Haba ia dei bad kane ka jingiakhih u tei u nongialam jong ka FKJGP u la ong ba lada jia ei ei ka sorkar ka dei ban shim ia ka jingkitkhlieh. Na ka liang jong u Bah Roipar Kharraswai u la ong ba namar ka jingduh nong palat jong ki paidbah ki hap ban ia kren biang bad ka Kompnei, hynrei mano ban khot ia kata ka jingiakren haba ka sorkar kala dep ban thaw ia ka High Level Committee. La iathuh ba ha kine ki saw sngi ka jong ka jingiakhih kiba la poi hospital kila poi phra ngut.
