Shillong, Risaw 01: U myntri khynnah jong ka sorkar pdeng u Kiren Rjiju u ba dei peit ia ki kam poh iing jong ka Ri u la leit ban ia shim bynta ha ka jinglehniam puja ha Shnong Nartiang kaba don ha West Jiantia Hills District, ia kaba la synran lang ia u da u MP jong ka Shillong u bah Vincent H Pala bad u MLA jong kane ka jaka u Bah Sniawbhalang Dhar, kane ka jingleit ka long ba ai burom ia kane ka Maa Jayantee kaba dei kawei na ki jaka kyntangjong ka Shakti Peethas bad ban pan ia ka jingkyrkhu ha kane ka jinglehnaim Vijaya Dashami bad Dusshera.
Haba kren ha kane ka jingialang kaba la long ha katei ka jaka lehniam, u myntri ka sorkar pdeng u la ong ba u dap da ka jingkmen kaba khraw ban ioh ia kane ka lad ban poi ha kane ka jaka kaba kyrntang kaba don ha West Jaintia Hills District. U la ong ba u la juh poi sha Shillong na ka por sha ka por hynrei kane ka long ka sien kaba nyngkong ban poi ha kane ka jaka kyntang.
U la ong “ Nga dap da ka jingkmen ban ioh ia kane ka lad ban poi sha kane ka jaka kyntang Shaktipeeth ha kum kane ka sngi lehniam Vijaya Dashami bad Dusshera, u la haba nga poi sha kane ka jaka kala pynhun ia ka mynsiem ka jong nga bad ka blei kan kyrkhu ia ki paidbah nongshong shnong jong ka Nartiang”. La ong u myntri.
Kum ka jingburom ia kane ka shnong na ka liang jong u myntri u la ong ba ka shnong Nartiang ka long kaba shnong kaba don nam tam hapoh jong ka Ri India, u la ong ba ka long kaei kaei kaba itynnad ban iohi ba ki long kiba leh khuid bad ki briew kiba na sha bar ki hap ban shim ia ka nuksa na kane ka shnong.
Na ka liang jong u myntri u la kular ba ka sorkar kan ialeh ban ai ki jingiarap katba don kam na ka bynta ban pynneh pynsah ia kane ka jaka bad un kyntu ia ka sorkar Meghalaya ba kan peit ia kane ka kam. Kane ka jaka kan khring ia ki briew na kylleng ka pyrthei ym tang ia ki briew jong ka jylla Meghalaya ne jong ka Ri India bad kane ka jaka kan long kawei na ki jaka jngohkai pyrthei.
