Ka sorkar kan nym ai por shuh ia ki briew ba sah ha Themiew Mawlong palat ia ka 30 sngi

Shillong, Naitung 11: Ka kynhun ki seng bhalang hapoh jong ka lama Confederation Of  Hynniewtrep Khasi Social Organisation mynta ka sngi kala ia kynduh ia u Deputy Chief Minister ka jylla u Bah Prestone Tynsong ban bud dien ia ka jingtrei kam jong ka High Level Committee  ha kaba ia dei bad ka Themiew Mawlong.

U Bah Robertjune Kharjahrin Chairman jong ka COKHSO u la iathuh ba ka jingwan jong ki ban ia kynduh ia u Deputy Chief Minister ka long tang ban kylli halor ka jingtrei kam jong ka HLC ha kaba ia dei bad ki briew kiba sah hapoh jong ka Thewiew Mawlong.

Haba ia dei bad kane na ka liang jong u Deputy Chief Minister u Bah Tynsong u la ai ka jingkular ba na ka liang HLC kan nym ai por shuh palat ia ka 30 sngi kaba la dep ban bethah ia ki bad ha dien kane kin ai noh ia ka kaiphot sha ka sorkar ha kaba ia dei bad kane ka kam.

Ha ka juh ka por ka COKHSO kala ia kren ruh halor ka jingwan ki briew kiba na bar ban tuklar ia kane ka kam bad ka jingwan jong ki ka long kum ka jingwan ai ding ia ki briew jong ka jylla. Kila kyntu ia u Chairman ha HLC ban pynsted noh ia kane ka kam khnang ba kin lah ban pynkynriah noh ia ki.

Ha kane ka jingiakynduh kila ia kren ruh halor ka jingkwah jong ki ban pynkylla ia ka Meghalaya Residence Safety and Security Act da kaba pynrung ia ka kyndon 3 bad 4 jong ka Bengal Eastern frontier regulation Act 1873 ban ai bor ban khang ia ki briew ba wan na sha bar ban sah ha kane ka jylla.

Na ka liang jong ka kynhun kila dawa ruh na ka sorkar ba dei ban pynkylla noh ia ka Schedule tribe order 1950 ban khanglad ia kiwei ki riewlum ban long ki riewlum ha kane ka jylla Meghalaya kumba la leh ka jylla Nagaland bad ha lor kane kala duh ruh ka rai jong ka Supreme Court ha u snem 2018 ha kaba ka jylla kan nym don jingleh ban leh.

 

 

What Next?

Recent Articles

Leave a Reply

Submit Comment

*