Ka sorkar kan nym pynshlur ban bei pisa, ka kloi ban iarap ia kiba seng kam: Conrad

Shillong, Nailar 14: U myntri rangbah ka jylla Meghalayau Conrad K Sangma mynta ka sngi u la plie ia ka website kaba la ai kyrteng “Meghalaya Chief Minister E-Champion Challenges”  bad lyngba kane ka website la khot ia ki riew don sap ha ka khaii pateng ban kin ia shim bynta ban ai jingmut kumno ban kyntiew ha ka seng kam seng  jam.

Katkum kaba la buh ha ka website la ai por 45 sngi ia ki briew kiba kwah ban ai jingmut ha kaba ia dei bad ka seng kam seng jam ba kin ia shim bynta ban ai jingmut sha ka sorkar Meghalaya. Na kane ka sorkar kan sa jied 25 tylli ki jingai jingmut ban ai khusnam shilak bad yn jied ruh 50 ngut kiba ai jingmut ban ai khusnam sanphew hajar tyngka.

Ha dien bala dep ban plie ia ka Website haba ia kren bad ki lad pathai khubor na ka liang jong u myntri rangbah ka jylla u la ong ba ka sorkar kan nym pynshlur ban bei pisa ia kiba seng kam la jong, hynrei kaei kaba ka sorkar kan iarap ia ki ka long ban pynioh ia ka jingiarap tyngka lyngba  ki Bank.

Haba jubab ia ki jingkylli na ka liang jong u myntri rangbah u la ong ba ka dei ka jingshisha ba ki samla shynrang  jong ka jylla ki shem jingeh ha kaba ioh ia ka ram na ki bank namar ka don ka dustur kaba ktah, dei halor kane ka sorkar kala bei pisa sha ki seng iatreilang  kiba don shihajar tylli ha ka jylla bad kane ka kot sha ka T.10 klur tyngka.

Dei ba ka sorkar ka iohi ia kane ban pynlait ia ki jingeh ka sa bei pisa sha ki seng ia treilang khnang ba kine ki bei pisa sha kito ki samla kiba kwah ban seng kam la jong ha ka sut kaba rit. Lada ka sorkar ka iohi ba kane ka long kaba jop ka sorkar kan dang pynbun shuh shuh ka jingbeit pisa ha kine ki snem ban wan kan nym don jingkut.

What Next?

Recent Articles

Leave a Reply

Submit Comment

*