Ka sorkar kan sa mang pisa kyrpang ban ai khusnam ia ki kaitor ka jylla: Conrad

Shillong, Kyllalyngkot 21: U myntri rangbah ka jylla u Cornad K Sangma mynta ka sngi u la plie ia ka jingialang ia kaba la tip kum ka “Meghalaya Entrepreneurship & Start up Summit 2020” ha  State Convention Centre ha kaba la ia don lang u  CEO NITI Ayog, Amitabh Kant kum shah khot kyrpang.

Ha ka jingkren jong u myntri rangbah ha kane ka sngi u la ong ba ka jingpynlong ia kane ka jingialang kan iarap ia ki samla ba kumno kin lah ban sdang ia la ki jong ki kam ki jam. U myntri rangbah u la ong ba haba sdang kin don shibun ki jingeh hynrei tang kiba trei shitom kin poi sha ka thong.

U myntri rangbah u la ong ba ha North East bad ha Meghalaya nalor ka rep ka riang bad ka kam jongoh kai pyrthei hynrei kaba lah ban kyntiew ka long ruh ha ki kam tem kam pud kumba ka long ki samla ka dong shatei lam mih ngi ki don ia ka sap kumjuh ki briew jong ka jylla Meghalaya. U kyntu ia ki samla ba kin long kiba la khreh ban ia kynduh ia ki jingtynjuh. La ong ba ka sorkar kan sa mang pisa kyrpang ban ai khusnam ia ki kaitor

Ha ka jingkren u CEO NITI Ayog, Amitabh Kant u la ong ba ka ri India kala poi ha ka jingkylla kaba khraw ha ka ioh ka kot bad ka jingkiew ha ka jingdon briew ban ia nujor bad kiwei ki ri jong ka pyrthei bad kane ka jinghikai ka long ban weng ia ki jingeh kaba ka Ri ka ia kynduh.

La ong ba ka NITI Ayog kan ia treilang bad ka sorkar jylla ban pyndon kam ia ka “Tinkering Labs” ha baroh ki skul ha ka jylla Meghalaya kum ki jaka rep ba khlem pyndon kam dawai sboh bad ban kyntiew ia ki kam jngohkai pyrthei. Ka NITI Ayog kan ai ka jingkyrshan ia ka jylla Meghalaya sa shiphew tylli ki “Incubation Centres” lane ki jaka hikai.

Ha kane ka sngi la pynlait paidbah ruh ia ka kot kumno ban leh ban pynkiew ia ka jylla Meghalaya da u myntri rangbah ka jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet