Ka sorkar kan sa pynmih ia ka jingpynbna sorkar ha ka sngi Nyngkong ia ka MS&S Rules, 2017

Shillong, Nailar 11: Ka kabinet mynta ka sngi kala pdiang ia ka  Meghalaya Safety and Security Ruls, 2017, bad ia ka jingpynbna sorkar halor kine ki rules ka sorkar kan sa pynmih ha ka sngi nyngkong kaban wan long ong u myntri rangbah ka jylla u Dr Mukul Sangma ha dien ka jingialang jong ka kabinet kaba la long mynta ka sngi.

Haba kren ha ki lad pathai khubor ha dien jong ka jingialang jong ka kabinet u myntri rangbah u la ong ba ka kabinet mynta ka sngi kala pdiang ia ka Meghalaya Safety and security rules, 2017, ha ryngkat ki jingpynkylla hangne hangtai na kaba la wanrah da ka Political Department.

U myntri rangbah u Dr Mukul u la ong ba “ ngi dap da ka jingkmen ba ha dien bun bun snem jong ka jingiatrei lang mynta la lah ban ioh ia kane ka rule, kaba lah ban ai jingiada na ka jingwan rung kyrthelp jong ki briew kiba na bar sha ka Jylla”. Ka kam ka long kaba khia ynda la pyntrei kam ia kane ka rule.

Ai ba kane ka  Meghalaya Safety bad  Security Act, 2016 kum juh kane ka Meghalaya Safety bad  Security Rules, 2017 yn pyntrei kam noh ha kane ka jylla bad ha dien ba la pyntrei kam ia ka lada don kam ban pynbha shuh shuh ia ka ruh hap ban leh. U myntri rangbah u la ong ba u ngit skhem ba kiwei ki jylla jong dong shatei lam mih ngi jong ka Ri India ruh kin sa but ia kane ka nuksa.

Ban ia khun pyrshah ia kane ka jingkrieh jaka jong ki briew wat ki Ri kiba la kiew, kum ka Ri America bad ka Ri Bilat ruh ki shem jingeh shibun wat ha pdeng ka jingdon ia ki ain kiba pyrkhihg bha. Na ka liang jong u myntri rangbah u la ong ba da ka jinglah ban shna ia kane ka rules ka lah ban khanglad ia ka jingwanrung kyrthlep jong ki briew kiba na bar sha kane ka jylla.

U myntri rangbah u la ban jur, ha kaba u la ong to yn pyntrei kam shuwa ia ka bad ynsa dang ia peit ha dien ba la pyntrei kam lada hap ban dang pynbha shuh shuh ia ka ruh lada don kam hap ban leh, hynrei ia mynta ai bay n pyntrei kam shuwa.

What Next?

Recent Articles

Leave a Reply

Submit Comment
*