Ka sorkar kan sa pynmih ia ki kyndon thymmai ha kane ka lehkmen Khristmas:Conrad

Shillong, Nohprah 02: Mynta ka sngi ka kynhun myntri hapoh ka jingialam jong u myntri rangbah u Cornad K Sangma kila shong jingialang ban ia kren halor kane ka jingpang khlam COVID-19 ban ia pyrkhat khamtam eh ha kane ka por lehkmen Khristmas.

U Myntri rangbah ka jylla haba kren ha ki lat pathai khubor ha dien ka jingialang u la ong ba ha kane ka jingialang ka kynhun myntri kala shim ia ka rai ban wanrah ia ki kyndon kiba thymmai ha kaba ia dei bad kane ka jingpang COVID-19 khamtam ha kane ka por lehkmen Khristmas.

Ha ka juh ka por na ka liang jong u myntri rangbah ka jylla u da kyrpang jur ia ki paidbah ka jylla ba kin long kiba phikir ha kaba ki leit ki wan ban iada na ka jingsaphriang kane ka jingpang ha kane ka jylla Meghalaya.

U Myntri rangbah u la ong ba kumba ka paw mynta kane ka jingiapang ha kane ka jylla kala dang hiar katba dang mih ki sngi kumta ka long kaba don kam ba ki paidbah ki long kiba phir ban peit ba kane ka jingpang kam dei ban ioh lad ban saphriang.

Haba ia dei bad kane u myntri rangbah duh jong ka Ri India ruh un khot ia ka jingialang jong baroh ki seng sain pyrthei ha ka Ri India ha ka 4/12/2020 ha kaba ka party NPP kan leit ban ia shim bynta ha kane ka jingialang da ki nongialam ka seng kiba don ha Delhi.

What Next?

Recent Articles

Leave a Reply

Submit Comment

*