Ka sorkar kan shim baroh kilad ki lynti ban pynlait ia ka jingkhang tih dewiong:Prestone

Shillong, Lber 22:  U Bah Prestone Tynsong  myntri ba dei peit ia ka tnad shna surok haba jubab ia ka jingkylli jongu Bah SK Sunn MLA shimet jong ka Mawphlang ha kaba ia dei bad ka jingduh jong ka sorkar na ka jingkhang tih dewiong u la ong ba ka jingduh ia ka jylla na ka jingkhang tih dewiong kala kot sha ka T.416 klur.

Haba ia dei bad kane ka jingkhang tih dewiong hapoh ka jylla da ka NGT na ka liang jong u myntri u la ong ba ka sorkar kala shim ia ki lad ki lynti ban ia leh kumno pynlait ia kane ka jingkhang tih dewiong ha kane ka jylla bad lada don kam ban wanrah biang ia ka rai jong ka iing dorbar hap ban leh la ong u myntri.

Haba jubab ia ka jingkylli bynrap jog ka kong Dr Ampareen ha kaba ia dei bad ka rai ba ka ing dorbar kala dep shim , na ka liang jong myntri u la ong ba ka dei ka jingshisha ba ka iing dorbar kala dep ban shim ia ka rai ha kaba u ruh u dang don lang ha ka sorkar ha kato ka por.

Na ka liang jong u myntri u la pynsshai hapoh ka iing dorbar ia kaei kaba la jia ha kaba ia dei bad kato ka rai kaba ka iing dorbar kala shim ha kato ka por ba kala don ka rai ba ynda la dep ban shim ia ka rai ba ka sorkar bad ka liang pyrshah kin leit ban ia kynduh ia u myntri rangbah duh jong ka Ri bad IA U President jong ka Ri halor kane ka kam ia kaba u myntri rangbah ym shym la leh ha kato ka por.

Haba ia dei bad ka jingkren jong u Bah Charles Pynrope, na ka liang jong u myntri u la ong ba kam da dei eh kata ka jingduh ia ka pisa, hynrei kaba kongsan ka long ba kin briew kin im ja na kane ka kam. U myntri u la ong hapoh ka iing dorbar ba ka sorkar kan shim baroh ki lad ki lynti ban pynlait ia kane ka jingkhang tih dewiong ha ka jylla.

What Next?

Recent Articles

Leave a Reply

Submit Comment

*