Shillong, Naitung 04: U myntri rangbah mynta ka sngi u la kren shai ba ka sorkar kan sa thaw ia ka “Commission” kaba kyrpang ban peit ia ka jingpyniaid skul ha ka jylla Meghalaya khnang ba kine ki jingeh kin nym mih shuh hadien ha bud.
U Myntri Rangbah haba jubab ia ki jingkylli u la ong ba ka dei ka jingshisha ba kano kano ka skul kaba ka shim ia ka jigniarap na ka sorkar, ka sorkar ka don ia ka lynti ban peit ia ki skul, hynrei ka sorkar kam kwah ban tuklar ha kaba ia dei bad ka jingpyniaid ia ki skul da ki riew shimet.
Ka sorkar thaw ia ka “Commission” ka ban sa peit bian ia ka jingpyniaid ia ki skul ha kane ka jylla ban peit ba kum kine ki jingeh kin nymjia shuh ha kip or ban sa wan, namar kumba ka long mynta ki skul ki shim bai skul na ki khynnah bad kane ka pisa ka sah bad ki Managing Committee.
Ka sorkar ka don ka jingsngew khia na ka bynta ka bha ka miat jong ki nonghikai ha ka jylla, dei na kane ka daw ba kan thaw noh ia ka “Commission” ban kan jurip bniah kumno ban peit ban pyniaid beit iaid ryntih ia ki skul ha ka jylla.
U Myntri Rangbah u la ong ba ka bor pyniaid ia ka skul adhoc ka shong ha ki Managing Committee bad ban thung ia ki nonghikai ruh kum juh, ka sorkar kam don bynta ei ei namar kam kwah ban tuhklar ia kane ka kam jong ki skul jong ki riew shimet, hynrei ban pyniaid beit ka sorkar kan sa thung ia ka Commission ban peit bniah.
