Ka sorkar kan wan rah ia ka bills ban don tang kawei ka ain shna iing ha Meghalaya: James

Shillong, Lber 5: U James K Sangma myntri ba dei peit ia ka tnad kam bording la ong ba ka cabinet kala shim ia ka rai ban don noh tang kawei ka ain shna iing ha baroh kawei ka jylla, ka sorkar kan wanrah ia ka bill hapoh ka iing dorbar, ka Meghalaya Buidling Bye Laws, 2021 bills.

Haba kren ha ki lat pathai khubor ha dien bala wai ka jingialang jong ka kabinet, la iathuh ba kane ka bill ba kin wanrah ka long ban wanrah ia ka jingpynkylla ha ka ain shna iing kaba la wanrah da ka sorkar ha u snem 2011, katkum kane ka bill kaba mynta kan don tang kawei ka ain shna iing ha ka jylla baroh kawei.

U James u ka pynshai shuh shuh ba kito ki jaka kiba hap hapoh jong ka Municipal ia ka jingbit ban shna iing kin hap ban shim na ka MUDA bad kito ki jaka kiba hap ha ki jaka jong ki District Council kin shim ia ka jingbit na ki District Council, hynrei ka ain shna iing kan dei jong ka sorkar.

UMyntri u la ong ba yn nym lah ban don byn tylli ki ain shna iing ha kawei ka jylla, ki District Council kin pyntrei kam ia ka ain shna iing kaba ka sorkar jylla kan shna, la ong ba ha kane ka jingpynkylla ia ka ain shna iing jong u snem 2011, yn shah noh ban tei ia ki iing ha kane ka jylla haduh hynniew mala. Kila don ruh kiwei kiwei ki rai kiba la shim ha kane ka cabinet mynta ka sngi nalor katei ka bill.

 

 

What Next?

Recent Articles

Leave a Reply

Submit Comment

*