Ka sorkar MDA ka pyrshah ia ka CAA, ki jingkynthoh kan don beit:Prestone

Shillong, Kyllalyngkot 22: U Symbut myntri rangbah ka jylla u Bah Prestone Tynsong u la ong ba baroh ki seng sain  party kiba don ha ka sorkar MDA naduh ba kila pynpaw pyrshah ia ka Citizenship Amendment Act, 2019.

Haba kren ha ki lat pathai khubor mynta ka sngi u symbut myntri rangbah u la ong ba wat la ka jylla Meghalaya 97% ka lait na ka jingpyntrei kam ia ka CAA, hynrei ka sorkar ka kwah ban laity m tang katei hynrei ka dei ban long 100%.

Dei halor kane ka nongrim ba ka sorkar ka jylla ha ka 19 tarik Nohprah 2019 kala khot ia ka dorbar ba kyrpang ban shim ia ka rai ban dawa na ka sorkar pdeng ba dei ban pyntrei kam ia ka Inner Line Permit ha ka jylla Meghalaya.

Haba ia dei bad ka jingkynthoh jong ki liang pyrshah ba halor ka jingslem ban khot ia kren ka sorkar pdeng ia ka sorkar jylla halor ka ILP, na ka liang jong u bah Prestone u la ong ba ka jingkynthoh na ka liang pyrshah kan don beit bad kin dang iai betegn hi ban kynthoh.

La ong ba ka sorkar kala dep ban pan por ban ia kynduh ia u myntri kam poh iing ka sorkar pdeng ban ia kren ia kane, u la ong ba kumno kin kynthoh haba tang ia kynduh ruh pat ia kynduh kin kren. La ong ba ka sorkar MDA kala rai ba ia ka ILP dei ban pyntrei kam ha ka jylla.

What Next?

Recent Articles

Leave a Reply

Submit Comment

*