Shillong, K.Lyngkot 24: Ha dien ba ka jylla Assam kala shna ia ka ain Assam Cattle Preservation Act, 2021 kala buh ka jingeh ia ki jylla ba don sawdong jong ka ha kaba ia dei bad ka jingkit ia ki masi shohdoh ban iaid lyngba ka tei ka jylla.
Ka jylla Meghalaya kala shah ktah bha da katei ka ain jong ka jylla Assam ha kaba ia dei bad kane ka jingkit ia ki masi shohdoh ha kaba ki nong ot doh masi kila kynduh jingeh ban wanrah masi na Assam sha Meghalaya.
Ban iarap ia ki nongkhaii ban suk ka kit ka bah ia ki masi otdoh ka tnad ri jongri jogn ka sorkar Meghalaya kala khot ia ki aplikoshon na ki nongkhaii masi ba ka sorkar kan ai ia ki Transit Pass ban kit masi na Assam sha Meghalaya.
Katkum ki jingkhein kiba la ioh da u SP News Agency na ka tnad ri jignri jong ka sorkar kala dep ban ai Transit Pass 30 tylli haduh mynta, na kine 20 tylli ha East Khasi Hills District, Ri Bhoi District 9 tylli, East Jaintia Hills 1, katba kiwei ki District kim pat don ba ioh ia ka Transit Pass ban kit masi.
Lah ban pynkynmaw ba u Commissioner bad Secretary ka sorkar Meghalaya ba dep peit ia ka tnad Ri jingri u GHP Raju u la pyntip ba ki don palat 140 tylli ki aplikoshon bad kiba la ioh haduh mynta ki long 30 tylli kane ka long katkum ka jingkhein kaba la ioh na ka tnad ri jingri ka sorkar Meghalaya.
