Shillong, Naitung 
07: U myntri rangbah ka jylla Meghalaya u Conrad K. Sangma, ha ka jingialang paidbah ha Nongstoin , u la ong ba ka sorkar NPP ka dei na ka bynta jong u paidbah bad ia ki kam pynroi ha ka jylla ynsam lang ia baroh ha ka jylla.
U Myntri rangbah u la ong ba kim don ia kata ka jingstad kaba kyrpang bad lada kata ka don ruh dei tang da ka jingkut jingmut ba kin trei na ka bynta ka jingmyntoi jong u paidbah, ia kane u la kren ha ka jingpyndon burom ia u ha ka Nongstoin mynta ka sngi.
Kane ka sorkar MDA mynta ka long beit na ka bynta jong ki paidbah bad ki MLA ki ai ia ka jingtip ha kaba ia dei bad ki dong bad ki jaka ha baroh saw dong jong ka jylla kane ka long namar ki don ia ka jingkit khlieh na ka bynta jong u paidbah.
Ha kane ka sngi u myntri rangbah u la ong ba ka West Khasi Hills District ka dang don kam shibun ki kam pynroi bad kane ka sorkar hapoh ka jingalam ka jong u ka kwah ban kyntiew ia ka West Khasi Hills da ki kam pynroi bad baroh ki District ha ka jylla kin ioh ia ki kam pynroi kiba mar kum juh.
Ha kane ka jingialang paidbah ha kaba la don ki nongialam niam, ki seng bhalang ki riew rangbah ka thain u la ong ba ka sorkar kala dep ban pynkhreh shibun ki kam pynroi khamtam eh ha ka liang jong ki surok. U la ong ba ka NPP ka don ia ki MLA na baroh ki District lait noh na SWKH District bad mynta ka elekshon shiteng samoi ka dang long bad ha dien kane ka elekshon ka sorkar kan sa leh ia kaei kaba ki paidbah ki angnud.
Ha kane ka jingialang u la ong ruh ba ka seng NPP kum ka party ka ieng na ka bynta ki khrsitan bad kiwei kiwei ki kynhun niam kiba rit ha ka Ri India bad kum ka party kala juh kren ia kane ha kiba bun ki kyrdan ha ki jingialang bad ka sorkar pdeng.
Ha kane ka sngi la pyndon burom ruh ia u symbut myntri rangbah ka jylla u Bah Prestone Tynsong, myntri ba dei peit ia ki kam karkhana u Bah Sngewbhalang Dhar, bad ia kiwei kiwei ki MLA kiba ia don lang ha kane ka sngi. Ha kane ka sngi u myntri rangbah u la ia kynduh kyrpang ruh ia ki seng bhalang ban sngap ia ka jingud ka jingnam ka jong ki bad na ka liang jong u myntri rangbah u la ai ka jingkular ba un sa peit ha kaba ia dei bad ka jingdawa ka jong ki.
