Ka sorkar pdeng kan ai ka jingkyrshan pura ban rep ba khlem pyndon kam dawai: R M Singh

Myntri ka sorkar pdengShillong, Naitung 29: U myntri jong ka sorkar pdeng ba dei peit ia ki kam rep ka ram riang ha ka Ri baroh kawei mynta ka sngi u la leit ban jngoh hi da lade ia ka jaka rep jhur kaba khlem pyndon kam dawai ha ha shnong Lawsohtun. Kane ka jaka rep ba saw hektar ka dei kaba la rep da ka Lawsohtun Farmers Association kaba kynthup iaki 20 tylli ki long iing.

Ha kane ka jingleit jngoh na ka liang jong u myntri ka sorkar pdeng u la ai ka jingiaroh ia kane ka rukom rep bad u la ong ba dei ban dang pynkhlain shuh shuh ia ka rukom rep kaba khlem pyndon kam dawai bad ka sorkar pdeng kan ai ka jingkyrshan kaba pura ban pynshlur ia kane ka rukom rep.

Ha ka miet sngi Saitjain u myntri ka sorkar pdeng u la khot ia ka jingialang ia baroh ki tnad sorkar kiba don ka jingiadei bad ka rep ka riang, kum ka tnad rep, tnad repsoh, tnad ri jingri. Kane ka jinghot ia kane ka jingialang ka long ban pynthikna ba ki skhim rep ki dei ban poi sha ki nongrep. La ong ba ka sorkar pdeng ka don ia ka thong ba ha u snem 2022 ki nongrep ka jingioh jong ki ka dei ban long arshah.

Ha kane ka jingialang u myntri ka sorkar pdeng u la kren shai kdar ba ki ophisar ki dei ban ai ia ka sertiphiket ba la pyndon kam ia ka pisa ha ka por ka biang, khnang ba ka sorkar pdeng ruh kan lah ban pynlait ia ka pisa ha ka por kaba biang. U myntri ka sorkar pdeng u la kyntu ia ki ophisar ba kin pynlut kham bun ka pisa ha kaba rep khlem pyndon kam dawai.

Ha kane ka jingialang bad u myntri ka sorkar pdeng na ka liang jong ki ophisar jong ka jylla Meghalaya kiba la ia shim bynta ki long u additional Chief Secretary, uK N Kumar, Commissioner bad  Secretary ka tnad ri jingri u Sampath Kumar, ka Secretary ba dei peit ia ki kam rep ka M N Nampui, ha ka jingidonlang ki heh sorkar jong ka jylla Meghalaya.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet