Ka sorkar u Conrad kam dei ban hun ba la shim ia ka rai ban pyntrei kam ia ka ILP: KSU

Mawkyrwat, Kyllalyngkot 07: Ka KSU Balat Border Area Circle haka jingiasnoh kti lang jongka KSU South West Khasi Hills District bad KSU Sengkmie lem bad kiwei ki sengbhalang kum ka HNYF bad FKJGP myn haka 06.01.2020 ka la pynlong daka jingialang paitbah ha Dangar kum shibynta naka jingpyrshah iaka Citizenship Amendment Act, 2019 bad ban dawa pyntreikam noh iaka Inner Line Permit haka jylla baroh kawei kum shibynta ban tehlakam iaka jingwan tuid jongki briew ba na bar.

Ha ka jingkren u Samla Lambokstar Marngar u la ong ba ka sorkar jylla hapoh ka jingialam jong u Conrad Sangma kam dei ban shu shong kli kti tang da kaba Pass ia ka resolution hapoh Assembly hynrei ka dei ban shim khia bad bud dien ia ka sorkar India haduh ban da ioh ia ka ILP, u la ong ruh lada ka sorkar India ka wanrah da Ka Ain ka ban khniot ia ngi ki ritpaid ngi long kiba la khreh la ka dei ha kano kano ruh ka bynta jong ka jingialeh.

Haba kren shaphang ka jingma ia ka jaitbynriew lada wan kita ki poiwir na Bangladesh ki ban sa buhai Shnong hapoh ka ri lyngba ka CAA u la ong ba “ngim kwah ba ka Ktien Balat Kan kylla sha ka ktien Bharat” u la Ong ruh lada ka Sia Jong u khulom ka lut na ka bynta ban iada ia ka jaitbynriew, hynrei ngi don ka snam ban jaw namar ka jaitbynriew.

U bah Sadon Blah general Secretary HNYF u la Ong ba ka jingpynlongain jong ka Sorkar India ia ka CAA ka long kumba ka hikai ia ngi ban rah ban rah suloi, u la Ong ruh ba ka sorkar India Kam dei ban khein poh ia ka jingiaishah jong ngi da kaba Thom bor ia ngi ki trai ri ,to tip ba ngi ruh ngi nang ban phong uniform shipai bad ban siat suloi.

U syiem ka hima Bhowal u la Ong ba ka sorkar India Kam dei ban niew poh ia ngi namar ka IOA ka dang im haduh mynta, namar ka sorkar India haki snem 1947-1948 ka la pyndonkam da ki shipai ba pynbor ia ki Syiem khasi ban soi ia ka IOA bad ngi ruh kum ka jaitbynriew ngin pynbor ia ka sorkar India ban ai ia ka ILP hapoh ka jylla jong ngi.

Ha kane ka sngi la ioh ruh iaki jingkren na u samla Jiedskhem Nongsiej  General Secretary KSU South West Khasi Hills District, u samla Bonsen Snaitang President KSU Balat Border Area Circle lem bad kiwei kiwei.Shuh shuh ka seng ka kwah ban pyntip paitbah ba ka jingialang kaba bud kan long ha iew Mawsynram haka 16 tarik mynta u bnai naduh ka por 11:30 mynstep.

Haba iadei bad ka Public meeting ka ban long haka 16 tarik ha Mawsynram naka liang ka KSU South West Khasi Hills District bad ka KSU Lawbah Border Area Circle ka khot ka wer iaki paitbah, ki Rangbah Shnong, ki seng Longkmie bad kiwei kiwei ban iamih ryntih bad pyni iaka jingiatylli ha kato ka sngi halor kine ki mat jongka Jaitbynriew Kane ka long ka kyrwoh na u samla Michael Dingan, Asst. General Secretary KSU South West Khasi Hills District

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet