Vellanakani, Nailar 19: U Lancy D Cunha, N
ational President jong ka seng All India Catholic Union (AICU) bad u Dr. John Dayal, nongai ktien la ong bad a ka mynsiem kaba sngewkhia bad ka jingsngewsih ba ka seng kan iohi ia ka jingduh kaba la jia ha Kerala bad ki bynta jong ka jylla Karnataka ha kaba da ki spah ngut ki mynsiem briew kila duh ei ha kane ka jingpynjulor ka mariang.
Na ka liang jong ka AICU ka kyntu ia u myntri rangbah duh jong ka Ri ia kane ka jingshlei um kaba la wan jia shisien ha ka shispah snem ban niew ia ka kum ka jingduh ha ka Ri, ka sorkar pdeng ka dei ban pynlait mar dor ia ka pisa na ka bynta ban ai jingiarap ia ki lanot kumba la pan da ki sorkar jylla ha kine ki jylla kiba don sha jan ka duriaw.
Ha kane ka jingialang jong ka AICU kaba la long mynta ka sngi ha Vellankani jong ka jylla Tamil Nadu ka jaka kyntang kaba la shah pynjulor ha ka tsunami kaba la jia ha u snem 2004 kaba la khring ia shibun ki briew na baroh ki jaitniam ba kin leit iaid riewblei sha kane ka iing mane kyntang ia kaba la tip kum ka “Our Lady of Good Health”.
Ha kane ka jingialang kila rai ban kyntu ia baroh ki briew ba kin ai lem ka jingiarap sha kito ki briew kiba la shah ktah ha ka jingshlei um ha ki bynta jong ka Coorg jong ka jylla Karnataka kaba la shah pynjulor ha ka mariang. Ha Kerala ka dei ka jylla ha kaba baroh lai tylli ki shnat niam jong ka balang Katholik ki don lut bad kiwei kiwei ki niam.
Ka AICU ha kane ka jingialang mynta ka sngi kala pynlong ia ka jingsngap jar ban pynpaw ia ka jingsngewsih halor ka jingkhlad noh jong u myntri rangbahduh ba rim jong ka Ri u Atal Behari Vajpayee, u myntri rangbah ba rim ka jylla Tamil Nadu u M Karunanidhi bad u shongknor jong ka Lok Sabha u Somnath Chatterjee u ba la khlad ha kine ki sngi.
Ha kane jingialang la pynlong ruh ia ka jingjied biang ia ki nongkit kam jong ka AICU ha kaba u Lancy da Cunha u la shah jied biang kum u Nation la president, u Elias Vaz na Goa u la shah jied biangkum u National Vice President na ka bynta ka samoi trei kam 2018 naduh 2020 bad kine kin ialam ia ka jubilee jingdap 100 snem ia kaba yn pynkut ha nongbah Delhi ha u snem 2019. La ong u Dr John Dayal ha ka kyrwoh kaba la phah mynta ka sngi.
