Shillong, Naiwieng 21: Ka Seng Samla Shnong Mawlangwir kan pynlong ia ka “Ia kop shad” ha ka 6th Nohprah , 2018 ha Salonsar Hall, Mawlangwir ha ka por 7:00 PM. Kumta la khot sngewbha ia ki Samla kiba 14 snem shaneng kiba don ka sap ban shad ba kin sngewbha ban wan iashimbynta sha kane ka jingiakop shad.
Ka khusnam na ka bynta kane ka jingiakop kan long, kiba jop ha ka shad kynhun kan long T.12000/- bad kiba jop ha ka shad Solo yn ai T. 7000/-, Rs. 5000/- bad Rs.3000/-. Ka bairung na ka bynta kane ka jingiakop kan long kumne, na ki kynyhun ka long T. 1000/- bad Solo – Rs.300/-.
Ka Tarik bakhatduh ban pdiang ia ki bai rung bad ka pisa bai rung kan long ha ka 30th Naiwieng 2018. Kino kino kiba kwah ban wan iashim bynta kin sngewbha ban wan shim Ia ki phom bad ban ban siew ia ka bairung ha ka Dukan S.Marwein & Sons ha Lad Block (Mawkyrwat C&RD Block),SMK Enterprise & T.M. Printers kiba don ha iew Mawkyrwat lane kin phone hi kine ki Phone No. 7005677314, 8787367003, 8787832965, 8837472449.
Na ka liang jong ka seng ka khot sngewbha ruh ia ki Paitbah nongpeitkai ba kin wan sha katei ka jingiakop shad ha ka 6th Nohprah 2018 bad ka bai rung na ka bynta kiba wan peit kai ka long T.30 tyngka marwei.
