Ka State Election kala pyntip sha ka EC ba la long thylli ka shuki MLA na Shella

Shillong, Nailar 03: Ka State Election Department jong ka sorkar jylla ha dien ba kala ioh ia ka jingthoh na ka ophis jong ka iing dorbar thawain ka jylla halor ka jingkhlad noh jong u Dr Donkupar Roy ha ka 28th Naitung 2019 kala phah da ka jingthoh sha ka Election Commission jong ka Ri India ban pyntip ba ka shuki MLA na poh 26-Shella kala thylli.

U Bah FR Kharkongor Chief Electoral Officer jong ka jylla Meghalaya haba kren ha u SP News Agency u la iathuh ba kila dep ban phah ia kane jingpyntip sha ka Election Commission jong ka Ri India. Ka ophis haduh mynta kam pat ioh jingpyntip ei ei pat ha kaba ia dei bad ka ilekshon shiteng samoi.

Kiwei pat ki lad khubor ki iathuh ba ka iing dorbar jong ka jylla Maharashtra kan kut noh ha ka 9 tarik bad ka iing dorbar jong ka jylla Haryana kan kut ha ka 2 tarik jong u Naiwieng mynta u snem, ka election sha kine ki ar tylli ki dorbar thawain ka lah ban long ha u u Nailur bad u Risaw, kala don ka jingantad ba ia ka ilekshon shiteng samoi ha 26-Shella konstitwensi ruh ka EC ka lah ban pynlong lang ha katei ka ong.

What Next?

Recent Articles

Leave a Reply

Submit Comment

*