Shillong, Risaw 15: Ka surok kaba rung na G.S Road sha khlieh iewduh ba don ka jaka ieng kali kaba heh bha ha kaba da ki bun spah tylli ki kali kiba wan iew ki ieng ha katei ka jaka hynrei kane ka surok kaba la siew palat mano ban peit ia ka hato ka PWD ne ka Cantonment.
Kane ka surok ka long ahor ktieh bad tlang bad lyiur namar kam don nala ban pyntuid um, ia kane ka surok kaba la sniew palat ym don ba peit lane maramot ia la bun bun snem dei na kane daw ba mih ka jingkylli hato dei ka PWD ne ka Cantonment ba peit ia katei ka surok.
Katei ka surok ka long kaba paw bha namar ka dei ba ka rung sha khlieh Iewduh ha kaba ki dohkha naduh Andra Pradesh, ki pylleng, ki soh na kylleng ka Ri India, ki ktung ba bun jaid ki wan na sha bar ka jylla sha Shillong ha katei ka jaka hynrei ym don ba peit ia ka.
Ki paidbah ki buh ka jingkylli hato ka sorkar Meghalaya lane kata ka Cantonment balei kam lah ban pynbha ia kane ka surok kaba don tang shikilo metter na surok bah hynrei ym don ba peit wat la ka jingkhrong ia ki kali kiba ieng ha katei ka jaka ka logn ha ka dor kaba heh.
