Shillong, Naiwieng 28: Ka tnad ialehkai jong ka jylla Meghalaya kam shym la iohi ia ka jingsniew jong ka surok kaba iaid na shaneng jong ka Jawaharlal Nehru Stadium kaba la jan dap snem mynta, kane ka surok kala sniew sha ba palat, katba ka bynta kaba sha rum ka surok ka bha.
Katkum ka jingtip kaba u SP News Agency u la ioh la ong ba kane ka surok kala siew mynta la jan palat snem hynrei na ka liang jong ka tnad ialehkai jong ka jylla haduh mynta kam pat leh ei ei ban pynbha ia katei ka surok kaba la khoh lut ka rong.
Kane ka jingsniew kane ka surok kaba don hapoh katei ka Stadium kaba heh tam hapoh ka jylla kala thaw madan ia ka jingbym lah ban peit namar ka jylla Meghalaya ka don tang katei ka wrei ka Stadium kaba kynsai ha ka jylla haduh mynta, hynrei ka jingsniew ka surok ka ktah ia ka burom ka tnad ialehkai.
Kane ka surok kaba na shaneng ka iaid bad mih lyngba sha ka madan Dalang kaba ka sorkar ka pynlong ia ki jingialang paidbah, ki jingiarap ia tem sngewbyha kum ba la pynlong ia lehkmen Cherry Blossom bad ka kala niew vote por election ha East Khasi District.
Kane ka surok ka iaid sawdong ia ka JN Stadium hynrei mar shiteng kane ka surok ka long kaba sniew haduh katta katta naka bynta ba shatei katba ka bynta ba shthi pat ka bha namar bun na ki ophis kiba ia dei bad ka spor ha kane ka madan ki don sha ka bynta kaba sharum jong ka Stadium.
