Shillong, Rymphang 07: Sngew khia ka K S U Warsan Lyngdoh Circle bad Nongtynniaw unit halor ka jing thmu ka sorkar ban ialam bakla iaki paitbah da kaba thmu ban pyniaid shakhmat iaka project surok ba don jingiadei bad u Uranium.
Ka KSU Warsan Lyngdoh Circle bad Nongtynniaw Unit ka pynrem jur iaka sorkar halor ka jingthmu ban khlong ia u mar poh khyndew uranium u ba don ha Domiasiat bad Mawthabah da kaba ialam bakla iaki paitbah lyngba ka jingwanrah iaka surok Two Lane kaba dei ka project kaba la pynpaw shynna ba ka dei ka surok ban pynsuk ha ka ban kit ban bah ia u marpohkhyndew uranium napoh ka thain.
Daka jingsngewkhia ka seng ka kwah ban buh jingkylli iaka sorkar ba “Balei kam wanrah ia ka umbam umdih ha man la ki dong ki thain jongngi kiba dang donkam haduh katta katta, Balei kam wanrah kum ki skul sorkar kiba biang bad iaki college hapoh ka thain ,Balei pat kam wanrah iaki jaka sumar pang kiba biang kum ban buh noh daka PHC hapoh ka area Warsan Lyngdoh.
Na ka liang jong ka KSU kala ong ba kum ka seng ka sngewthuh ba ka surok ruh ka long kaba donkam eh hynrei ha ka jing iohi jong ka Seng ka long ba ka la biang pura iaka dong ka thain ban shu ai noh beit tang daka rong kaba kham rben iaka surok kaba ladon baroh shikatta.
Ka Seng ka dawa naka sorkar ba kam dei ban pynleit jingmut halor ka surok Two Lane namar ka dei ka surok ba iadei bad ka kam tih uranium hynrei ka la dei ban pynleit jingmut ban pynbha iaka surok ba la don lypa da kaba maramot iaka khnang ba kan nym buh jingartatien iaki paitbah na ka dong ka thain.
Ka KSU ka sngewthuh ba ka jingbymlah ban jubab shai jongki ophisar ka tnad PWD bad ka South West Khasi Hills District haba pan jingshai haka public hearing ha Mawpat ka pynpaw shai kdar iaka jinglong arsap jongka two lane bad ki buit poh ka sorkar haba ki thmu ban pyniaid shakhmat ia kane ka project.
Ka Seng ka kyntu iaki kmie ki kpa jong ka thain ngi kyntu ia phi ban iasnoh kti lang bad ngi ka seng. Ka la dei ka por ba kum ki long mynta ngim pyrkhat mo ia ki khun samla kynthei khynlung khynnah kiba bhabriew kiba don ha kane ka thain jong ngi,ko ki kmie ki kpa ki khun samla hato phi hun mo ban wan lehbein lehkhoh da ki mynder ri iaki khun ki ksiew ha khmat jong phi.
ka KSU ka ong,ko ki kmie kikpa hynmen para jongnga ki ba don hakane ka thai ha ka jing iohi jngai jong nga ka long enda la wan kane ka surok ban khlong ia une u marpoh khyndew hangta kin wan ki briew kiba na bar ha kaba phin nym tip shano ban leit dem bad shano ban leit nguh. Kane ka long ka kyrwoh ba la phah da u samla Greaterson Nongsiang, President, KSU Nongtynniaw Unit.
