Shillong, Jylliew 25: U MLA jong ka Mowkaiaw u Bah Nujorki Syngoh, u la iathuh ba hapoh ka thain Psiar ka dong ka jingshong suk kam don kano kano ka jingwit ia ki paidbah, wat la kata na ka liang jong ki bor jong ka District Administration ki long kiba peitngor ban pynneh pynsah ia ka jingshong suk.
Haba kren ha u SP News Agency, u Bah Syngoh u ba dei u MLA na kane ka jaka u la ong ba ia mynta kam don kano kano ka jingthud ka don ka shongsuk shnong sain bad na ka liang jong u Superintendent ki pulit bad u Deputy Commissioner ki peitngor bha ba kan nym mih kano kano ka jingwit.
Lah ban pynkynmaw ba kala don ka jingkynnoh ba ka Sorkar Assam kala kwah ban buh ia ka Police Out post ha katei ka thain, ha kaba ki bor sorkar jong ka jylla Meghalaya kila khang lad bad kane kala wanrah ia ka jingshong syier ha ki briew katei ka thain.
