Shillong, Nailur 12: U Myntri ba dei peit ia ka tnad ka koit ka khiah u Bah AL Hek, haba jubab ia ka mat jingiakren kaba la wanrah da u Bah Mayralborn Syiem ha kaba ia dei bad ka jinglap ia u ‘Maggot ha u Jalebi” ha kadun sha ha Nongpoh, u myntri u la ong ba ka sorkar kala phah tohkit bad la shem ba ki don bun ki jingduna ha kane ka dukan.
U myntri ka tnad ka koit ka khiah u la iathuh ruh hapoh ka iing dorbar ba ki nongtrei ki duna bha hapoh jong ka tnad “Food Safty” jong ka sorkar jylla. Na ka liang jong ka sorkar ka dang pyrshang ban pynbun ia ki nongtrei hapoh kane ka tnad.
U myntri u la ong shuh shuh ba ka sorkar kan sa pynmih ia ka jingbthah ba baroh ki dukan kin hap ban register bad ka sorkar khnang bay n lah ban peit bniah ia ka jingkhuid jingsuba jong ki dukan.
Ha ka jingkren jong u bah Mayralborn Syiem u la ong ba kane ka jingwan rah ia kane ka mat ia kren ka long ban ioh ia ka bam kaba khuid haki dukan, ba ka sorkar ka dei ban pynbun ia ki nongtrei bad ba ka sorkar ka dei ban pyntrei kam pura ia ka Food Safety Act, 2006.
