Ka Tnat pla tyngka ka Sorkar pdeng, ka la pyllait ia ka jingsiew kaba T. 6,000 klur sha ki sorkar jylla

New Delhi, K. Lyngkot 18: Ka tnat Expenditure jong ka Tnat kam pla tyngka jong ka Sorkar pdeng, ka la pyllait ia ka jingsiew kaba T. 6,000 klur kum ka bynta jingsiew ba 12 kaba shisien shi taiew sha ki jylla mynta ka sngi ban pynbiang ia ki jingduna ha ka jingsiew bai lutksan GST. Na kane, la pyllait T. 5,516.60 klur sha 23 tylli ki jylla bad T. 483.40 klur la pyllait sha 3 tylli ki Union Territory (UT) kiba don iing dorbar thawain (Delhi, Jammu & Kashmir & Puducherry) kiba long ki dkhot jong ka GST Council. Ki 5 tylli ki jylla ba dang sah, ka Arunachal Pradesh, Manipur, Mizoram, Nagaland bad Sikkim kim don jingduna ei ei ha ka jinglum khajna namar ka jingpyntreikam ia ka GST.

Haduh mynta, la pyllait baroh 65 percent ka jingsiew bai lutksan GST kaba duna sha ki Jylla & UT kiba don iing dorbar thawain. Na kane, la pyllait T. 65,582.96 klur sha ki jylla bad la pyllait T. 6,417.04 klur sha 3 tylli ki UT ba don iing dorbar thawain.

 

Ka Sorkar India ka la plie ia ka lad shim ram kaba kyrpang ha u bnai Risaw, 2020 ban iakynduh ia ka jingduna kaba T. 1.10 lak klur ha ka khajna namar ka jingpyntreikam ia ka GST. Ka Sorkar Pdeng ka la shim ram lyngba kane ka lad ba kyrpang na ka bynta ki jylla bad ki UT. Ia kine ki jingshim ram la dep ha ki 12 bynta haduh mynta kaba la sdang naduh ka 23 tarik Risaw, 2020.

 

Ka pisa ba la pyllait mynta ka taiew kadei ka jingsiew kaba 12 jong kum kine ki jingsiew ba la ai sha ki Jylla. Ia kane ka pisa la shim mynta ka taiew ha ka sut kaba 4.4315%. Haduh mynta, ka sorkar pdeng ka la shim pisa T. 72,000 klur lyngba kane ka lad ba kyrpang ha ka sut kaba 4.7024%.

 

Ka Sorkar Pdeng ka la pynbiang pisa ban pyndap ia ki jingduna ha ka jingpyntreikam ia ka GST bad ka la ai jingmynjur ruh ia ki jylla kiba jied ia ka option I ba kin shim ram kaba ryngkat ia ka 0.50% jong ka Gross States Domestic Product (GSDP) khnang ba kin lah ban pynmih pisa. Baroh ki jylla ki la jied ia ka Option-I. La ai jingmynjur ia 28 tylli ki jylla ba kin shim ram shuh shuh haduh T. 1,06,830 klur (0.50 % jong ka GSDP).

Ka pisa ba la ai jingmynjur ban shim ram da ki 28 tylli ki jylla bad ka pisa ba la lah ban pynmih lyngba ka lad ba kyrpang bad ba la pyllait sha ki jylla bad ki Union Territory haduh mynta kalong.

Ka jingshim ram kaba 0.50 percent jong ka GSDP da ki jylla ba lah ai jingmynjur bad ka pisa ba la pynmih lyngba ka lad ba kyrpang ba la pynpoi sha ki Jylla/UT 18.01.2021

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet