Ka TULBA  ka mih sha khmat ban dawa ia ka ain ban iada ia ka jaitbynriew

Shillong, Nohprah 09: Ka seng (TULBA) The Ultimate Legend Bikers Association ha ka 7tarik Nohprah  ka la khot  ia ka jingialang   ba kyrkieh  jong ka    Central Executive Committee (CEC)  halor ka mat kaba ia dei bad ka  iap ka im jong ka jaitbynriew Hynniew Trep.

U President u Bah Seiborlang L Nonglait u ong ba ka seng ka iohi ia ka jingma ba khraw tam lada ka Sorkar NDA  ka pyntrei kam ia ka ain Citizenship Amendment Bill 2016, namar da phew phew lak ki nong Bangladesh kin wan ban long nongshong shnong ba pura  jong ka Ri  India, ha North East.

Ka seng TULBA ka  iohi ba ka  Tripura   ka wan ka ba nyngkong ha jingjrong ka lynter khap pud bad ka  Bangladesh ka ba jingjrong jong ka lynter ka dei  856 Km dei na kata  ka daw  ka jingshah tyllup ki trai muluk ha  ki nong Bangladesh, katba ka Meghalaya ka wan ha kyrdan ba Ar ha ka lynter (border) ka jingjrong kaba don 443km  bad kam eh ia ngi ban shah taplup ha kine ki nong Bangladesh.

Haba phai sha kiwei kiwei  Jylla kum ka Sikkim ka  don ka ain kaba dei  Restricted Area Permit and Protected Area Permit ka ain ka ba  ia syriem bad ka ain ILP, peit ha Mizoram ka  don ILP bad rynkat ka article 371(g) ha Nagaland ka don ka ain ILP bad rynkat ka Article 371(a)  , ka Sorkar Assam  ka la pyn treikam ia ka  NRC , katba tang ka Sorkar Meghalaya kam don ka jing kit khlieh ia ka ia ka pateng ban sa wan jong ka jaitbynriew.

Ka TULBA ka iohi ba ka  Sixth schedule kam pat lah ban iada pura ia ka jaitbynriew namar katba  dang don ka para 12(a) namar lada  kino kino ki ain jong ka  Sorkar pdeng ki iuhroit ia ka ain  jong ka District Council kumta ngi don lypa ha tmir jong jingshah thyllup ha ki mynder , u ong ba  ngi iohi ba ki Nongmihkhmat jong ngi ki dang bun kam ka ia knieh shuki khlem pyrwa ia ka Ri.

Ka dei ka jingkhein sting palat kane ka Sorkar MDA ban pyntrei kam ia ka MRSSA amendment 2019,wat tang ia ka  kyrdop Entry ne Exit point haduh mynta kim lah ban pyn dep. Kane dei ka bym ler jong ka Sorkar, haba ngi phai sha  u snem 2014 ngi la mad ia jingbym shong suk shong shngain tang na ka daw  jong jingdawa ILP da saw bnai kynthih ka jingiakhih kum ka seng kam kwah ban iohi ia ka jingbym shong suk shong shngain .

Balei ka sorkar kam pyrkhat shwa ia ka shong suk bad ban iada shwa ia ka jaitbynriew.  Balei ka sorkar NDA ka lah ban pyntrei kam ia CAB balei  pat ka Sorkar MDA kam lah ban pyn trei kam ia ka ILP ha Meghalaya. Ngi kwah shwa ia ka jingiada ia ka jaitbynriew hadien sa wan ka development ne ka jingroi jingpar.

Kumta ka seng TULBA  ka mih sha khmat ban dawa ia ka ain ban iada ia ka jaitbynriew. Ka seng ka kyntu ia baroh ki para doh parasnam ki nongmihkhmat ki sengbhalang bapher bapher bad ki paidbah jong ka Bri u Hynniew Trep Hynniew skum ban dawa ban pyntrei kam ia ka ILP bad kyntait ne pyrshah ia ka CAB.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet