Shillong, Naiwieng 30: Ka Tyllilang Basketball Academy kan pynlong ia ka “Winter Basketball Comp” naduh ka 2 tarik Nohprah 2019 haduh ka 22 tarik Kyllalyngkot 2020, ka jaka kan long ha Pearly Dew School Shillong.
Ha kane ka jingialehkai kiba kwah ban ia shim bynta ki kin long naduh 7 snem ka rta haduh ka 21 snem bad ka bairung kan long T.1000/- tyngka. Ka jinghikai kan long naduh ka por 10 baje mynstep haduh ka por 12.00 baje shiteng sngi.
Ha kine ki phra taiew ban ai jinghikai, ka jinghikai kan long halor ki rule ialehkai basketball, ka ka koit ka khiah bad kum juh ha ka bor pyrkhat kum ka kynhun. Kane ka jinghikai kan long ruh na ka bynta ki khynnah skul ha ki 10 sngi shiwa ban kut.
