Ka UDA lada ki kwah ban weng ia u bah Latiplang dei ban pan ia ka dorbar kyrpang:PN Syiem

Shillong, Nohprah 02: U Lamphang jong ka KHADC u bah PN Syiem mynta ka sngi u la long ba lada ka kynhun United Democratic Alliance(UDA) ki kwah ban pynkhyllem ia u CEM ba mynta u bah Latiplang Kharkongor ki la dei ban dawa ia ka dorbar ba kyrpang da kaba ia soi ar phew ngut ki MDC.

U bah Pynshngian u la ong ba lada ki lah ban iohi ia ka jignsoi 20 ngut ki MDC na ka liang jong u yn nym lah ban leh ei ei hynrei u hap ban pyniaid ia ka iing dorbar, lada kim lah ban ioh 20 ngut ki MDC kin hap ban ap haduh ban long dorbar ha u bnai Lber.

Ka jingleh jong ka UDA ban dawa ia ka Administrator Rule ka kren shai ba ki rahah bor, u la ong ba kum u lamphang ka iing dorbar u la pyniaid ia ka iing dorbar katkum ki kyndon jong ka ain bad dei na kata ka daw ba u Lat ka jylla u la ai ia ka jingithuh ia u CEM ba thymmai jong ka KHADC.

Na ka liang jong u Lamphang u la pynpaw ruh ia ka jingsngewlyngoh ba ha ka jingleit ia kynduh ia u myntri kam poh iing jong ka sorkar pdeng ka sorkar kala pynjah ia ka kyrteng jong u CEM ka KHADC, hynrei kala ai da ka kyrteng u secretary.

Wat la kim shym la ia kynduh ia u Amit Shah ha kaba la khot lang katkum ki shithi, hynrei kila ioh ban ia kren bad u Myntri kam poh iing ka sorkar pdeng halor ka CAB bad ka nongrim kaba ki la ai ka long ba ia ka CAB ym dei ban pyntrei kam ha ka jylla kumba la dawa da ka sorkar bad ki seng bhalang.

La iathuh ba shuwa ba kin leit sha Delhi, la khot ia ka jinglang jong baroh ki MDC hynrei kaba sngewsih ka long ba na ka liang jong ka UDA ym shym don wat tang u wei ruh u MDC ban wan ia shim bynta ha ka jingialang kaba ktah ia ka iap ka im jong ka jaidbynriew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet