Shillong, Nailur 07: U Dr Jemino Mawthoh General secretary jong ka party United Democratic Party (UDP) u la ong ba ka party ka pyrshah ia ka Rel kit briew ban rung sha Jylla, hynrei kin pdiang ia ka Rel kit tiar la kumno kumno tang ha Byenihat.
Ha kren ha ki lat pathai khubor mynta ka sngi la ong ba halor kane kum ka kynhun RDA kala dep ia kynduh ia u Myntri Rangbah ka jylla u Conrad K Sangma bad kila pynsngew ha u ia kane.
Kum ka party ka don ka jingkit khlieh ban iada ia ki riewlum, namar kumba ka long mynta kim pat don kita ki ain ban iada na ka jingwan rung kyrthlep ki briew kiba nabar dei halor kane ka pyrshah ia ka Rel kit briew.
Haba ia dei bad ka Rel kit tiar kum ka party ka pdiang ba kan long tang ha Khanapara ne Byrnihat, lada ka Rel kit tiar kan don hapoh ka jylla kan iarap ha ka khaii pateng bad na ka jingshah pyndik ha ki briew jong ka jylla Assam.
Ka party ka pyrshah lada wan raha ia ka Rel kit tiar haduh Shillong kumba la dawa da ka party BJP, ka jingpyrshah ka long namar ka jingbym biang ka jaka, ka jingbun briew bad kam long ruh ban ha Shillong, la ong u Dr Mawthoh.
