Shillong, Naitung 07: U Dr Jemino Mawthoh general secretary jong ka seng UDP, u la iathuh ba kum ka party kila ia kren mynta ka sngi ia ka NRC, kumba ka seng ki samla ka party kila dep ban leit ia kynduh ia usymbut myntri rangbah jong ka jylla u Bah Prestone Tynsong.
Haba ia dei bad kane ka UDP kala rai ban thaw ia ka committee kaba kyrpang ban ia kren sani ia kane ka kam bad ha dien ka jingiakren kaba bniah hapoh jong ka Party kan sah rah ia kane ka phang sha ka sorkar MDA, kaba kiwei ki party ruh ki ia don bynta lang ha kane ka sorkar.
Haba jubab ia ki jingkylli u Dr Mawthoh u la ong ban shim ia ka rai la ia ka snem ot kyrteng kan long jong u snem 1951 lane u snem 1971, ia kane kin dang hap ban ia kren bniah hapoh ka party shuwa ba kin shim ia kano kano ka rai namar ki hap ban bishar bniah na baroh ar liang. Hynrei ka seng UDP ka shim ba kane ka kam ka long kaba khia ia kaba la juh ia kren na ka por sha ka por.
Haba ia dei bad ka jingdawa jong ki katto katne ki seng halor ka ILP, la ong ba ka party kan dang ia peit kaei ka jingmyntoi bad kaei ka jingduh jingmyntoi lada pyntrei kam ia kane ka ILP lane ia ka NRC.
Haba ia dei bad ka bill ba la pass da ka KHADC ban khang lad ia ka jingiashong kha ia ki kynthei khasi bad ki bym dei khasi na ka liang jong u Dr Mawthoh u la ong ba ia kane ruh ka seng kan dang ia kren bniah wat ka ka seng ka ai ka jingkyrshan ia ka jingthmu jong ka Bill.
Ha kane ka jingialang jong ka CEC mynta ka sngi la thoh ruh ia ka elekshon committee na ka bynta ka MP elekshon ha kaba u Dr Donkupar Roy president jong ka party u long u Chairman. Kane ka Committee kan ia kren halor ka MP Election ka ban long ha u snem 2019. ha ka juh ka por ka seng kala ia kren ruh ia ka MDC elelction hapoh jong ka Rehional Alliance kaba kynthup ia ka HSPDP bad ia ka UDP.
