Shillong, Risaw 9: U bah Himalaya Shangpliang u la ong ba mynta ka sngi kila ia kren bad u Director ka tnad ka koit ka khiah ha kaba ia dei bad ka jingkiew palat ka dor na ka bynta ban phah test COVID-19 bad la kren ia kane ka phang namar ka dor kala kiew palat.
U Bah Shangpliang u la ong, ban ia nujor ia ka dor ka jylla kala buh dor kaba heh bha kumba ka long mynta, haba la buh ia kane ka jingkylli ha u Director ka tnad ka koit ka khiah u director u la kubur ba ka dei ka jingshisha ka dor kala kiew namar ba ka ICMR kam shym la ai shuh ka jingiarap ia ki sorkar jylla.
Haba ia dei bad kane u MLA jong ka Mawsynram u la ong ba to ka sorkar kam dei ban peit than ia ka dor namar ka sorkar kam dei ka nongkhaii namar ki don kum ka sorkar, kum ka sorkar ka la dei ban pyrshang ban pynhiar ia ka dor jong ka bai test.
Lada ka don ka bynta kaba don kam, ka sorkar ka hap ban pynhiar ia ka dor bai test kane ka ei kaba la ong ia u DHS bad na ka liang jong ka Assembly Committee ka Women Empoerment committee kala bthah ia ka tnad ka koit ka khiah ba kan bishar bniah biang ha kaba ia dei bad ka dor bai test.
Ka sorkar ka dei ban pynhiar ia ka dor bai test bad lada don kam ka sorkar ka lah ban pynhiar ia ka dor kaba siew shiteng dor na ka liang jong ka sorkar bad kumba ka long mynta ban ioh ei ia kane ka jingtest dei tang ki long iing kiba don hapoh u lain jong ka jingduk.
