Shillong 7 Risaw: Ka Youth Hostel Association of India (YHAI) ka shnat kaba don ha jylla Meghalaya kan long ia ka jingiaid kjat ha ka 12 tarik Risaw 2019 lyngba ka Shnong Wahkdait-Pashung haduh jingkieng Shnongpdeng.
Ka dei ka jingiaid kjat lyngba ki lawbah lawsan bad ki dieng ki siej bad bri kwai bri tympew, bad kiba kwah ki lah ban siew T.350 tyngka kynthup shi snem ka bai long dkhot ne member fees ia kiba hapoh 18 snem bad T.400 tyngka pat kiba 18 snem shaneng bad shi snem ka bai long dkhot .
Ka tarik ba khadduh ia kiba kwah iaid kjat sha katei ka jaka ka long 9 tarik Risaw 2019 hapoh 5 pm bad ki hap ban pyndap ia ki bai iaid kjat ha ophis ka YHAI Shillong bad ia ki jingtip ba kham bniah lah ban ioh na 9436111103.
