Shillong, Nohprah 14: U Cornad K Sangma myntri rangbah kajylla u la ong ba ka jingjia kaba la jia ha East Jiantia Hills haba 13 ngut ki nongtih dewiong kila sahkut hapoh krem dewiong ha ka daw jong ka jingtwa ka long ka jingjia kaba sngewsih, na ka liang jong ka sorkar ka sngewkhuslai ha kaba ia dei bad ki.
La iathuh ba na ka liang jong ki NDRF bad ki bor jong ki District ryngkat bad ki pulit kila leh katba don ka buit ka bor jong ki mynta ka sngi ban ialeh ban pynlait im ia ki kito ki nongtih dewiong kiba sah kut hapoh krem dewiong bad duwai na ka bynta jong ki.
U Myntri rangbah u la ong ba ka jingtih dewiong beain ka dang iaid ha kito ki jaka jong ka East Jiantia Hills bad kane ka long ka jingleh ka bym dei. Na ka liang jong ka sorkar kan sa leh ia kaba don ha ka por kaba biang ban pynshitom pyrshah ia kito ki briew kiba don kti ha ka ba tih dewiong beain ia kaba ym lah ban pdiang ia kane ka jingleh.
Kaba kongsah eh ha kane ka por ka long ban pynlait ia kito ki briew kiba dangsah kut hapoh krem dewiong, na ka liang jong u Myntri rangbah kajylla u Conrad K Sangma u la ong ba u la ia kren bad u Deputy Commissioner bad u Superintendent ki pulit jong ka District.
Na ka liang jong u myntri rangbah u la ong ba u don ka jingkyrmen ban lah ban sei ia ki na katei ka jingshah ban hapoh ka krem, u ong ba ia duwai lem na ka bynta jong ki ban ioh ban sei ia kine ki 13 ngut ki nongtih dewiong.
