Kala shim por 21 snem ban ioh ia ka Civil Sub Division Mawshynrud: Witting Mawsor

Shillong, Naitung 10: Kala shim por haduh 21 snem ban ioh ia ka Civil Sub Division has Mawshynrud, ka jingdawa ban ioh ia ka Civil Sub Division kala sdang ha u snem 1996, ha dien ba la ioh ia ka Administrative Unite, la ong u Bah Witting Mawsor MLA jong kane ka jaka.

Haba kren ha u SP News Agency, u la ong ba u dap da ka jingsngewkmen ban ioh ba ia ka Civil Sub Division kaba kila sdang ban dawa ha u snem 1996 kum u nongialam ha katei ka pork ala urlong mynta ka sngi ha kaba u Myntri rangbah ka jylla u Dr Mukul Sangma u la leit ban plie ia kane ka Civil Sub Division.

U Bah Mawsor, u la ong ba ia ka jaka ban buh ia ki ophis jong ka Civil Sub Division ka dei ka jaka kaba la thied da ka sorkar ha ka por ba ka long MLA ka kong Maysalin War bam kwai ha dwar u blei. Ha ka por jong ka jinglong MLA jong ka kong War la pynkhreh na ka bynta ka Civil Sub Division.

Da kane ka jingplie ia ka Civil Sub Division mynta ka sngi kan iarap shibun ia ki paidbah namar ba bun na ki kam ki hap ban leit sha duh Nongstoin, u la ong ia mynta ki paidbah ki dang hap hi ban wan sha Nongstoin ban pyndep ia ki kam jong ki hynrei kane kan long shipor haduh ba ka sorkar kan da lah ban pynbiang ia ki ophis trei kam.

Kiba la ia don lang bad u myntri rangbah ha kane ka sngi ki long u Myntri kam poh iing u Bah HDR Lyngdoh, u Bah Phlastingwell Pangniang MLA, U Sengnam Marak MLA jong ka Rongjeng, u Bah D. Jyndiang MLA ka Nongstoin, ki MDC u bah Morningstar Mawsor MDC jong kane ka jaka bad u Bah Kimfa Marbaniang lem bad ki heh sorkar.

Ia ka jingialang paidbah la pynlong ha phyllaw jong ka Christ King Higher Secondary School, ha kaba da ki hajar ngut ki paidbah kila ia poi sha kane ka jingplie ia ka Civil Sub Division ban ia kmen lang ha kane ka sngi sah kynmaw.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet