Shillong, Kyllalyngkot 18: Ka seng lehnoh HNLC katkum ka kyrwoh kaba la phah da u bah Saińkupar Nongtraw General secretary cum Publicity secretary,HNLC ba dei ki briew jong ka kiba la leit ban buh bomb IED ha ka Coke Factory kaba don ha Bther jong ka East Jaintia Hills District.
Ha ka kyrwoh kaba la phah sha ki lat pathai khubor la ong ba kila iohi iaka jingpyrshah jong ki briew ia kane ka karkhana thang dewiong “Coke Factory”. Ka seng kala phah wat jingtip ban lap ia ka jingshisha bad ha kane ka jingwade jingtip ka seng ka kynnoh ba dei ka jingleh don bor bad ai jingbit sop sop u Doloi jong ka Elaka Sutnga.
U tei u nongialam jong ka seng lehnoh HNLC ha ka kyrwoh u la ong ba naka liang ka seng kam banse ban phah buh da u bomb IED ha katei ka jingtei ba dang pynieng shen. Ki dkhot jong ka Seng ki lah sangeh ban pynbthei namar ka jingdon ki paradoh parasnam ha kato ka miet,bad ki shipai jong ki ki lah kiar ruh ban siat iaki nongap phira ha katei ka karkhana.
Ha ka kyrwoh ka seng lehnoh HNLC kala kynnoh ba u Daloi sutnga u dei u briew uba leh donbor.U pynlong shnong jubor wat ia ka shnong Umthe da kaba u ai syrnot ha u nongwei bym dei trai jaka namar ba ha Umthe sah tang ki bym dei ki trai shnong namar ka dei shnong khlaw.Ia ka shnong sookilo ruh u pynlong shnong jubor khlem ki nongshong shnong.
Ka dei tang ka iew khlaw bad ki bun tang ka kam khalai ka kam awria suda ha kane ka iew Sookilo la kynthoh u tei u nongialam ka seng HNLC, la kdew ruh ba u ba long rangbah shnong ruh dei tang u trai jaka ba pyniaid ia kata ka iew,da wan check Trading Licence lane Labour Licence ki sengbhalang ruh ki beh ia ki sengbhalang.La kynnoh shuh shuh ba u Daloi um shah ia ki sengbhalang ban rung hapoh elaka Sutnga ban peit ia ka jingbha.
La kynnoh ruh ba u Doloi u la shna pynban ki ain ba lada jia ba kino kino ki khun elaka sutnga ki rung sengbhalang kin shah kyntait shnong kyntait elaka bad ban knieh lut ki kam ki jam kum ka kam trei dewiong bad pynduh ia ka jinglong traishnong ha katei ka elaka.
Ka seng ka maham ia u doloi elaka sutnga kumjuh ia rangbah shnong baki dei mardor ban pynduh pyndam iaka NOC jong katei ka karkhana bad kumjuh ban ym ai jaka iaki ia ki briew ba nabar. La ong u bah Saińkupar Nongtraw General secretary cum Publicity secretary,HNLC ha ka kyrwoh kaba la phah sha ki lad pathai khubor.
