Shillong, Nailur 26: Ha ki snem ba la dep hadien ka jingpyrshah kaba jur naki ba bun ki liang ban pyntrei kam ia ka projek Aadhar bad NPR namar ka jingtieng ioh ka long pynban ka lad ia ki mynder lane ki illigal immigrants ba long trai ri, ka sorkar jylla ka la buh teng shwa bad hadien ka jingai jingmut ka sorkar kala kular ban pynlong shwa da ki awareness program bad ruh ban trei lang bad ki dorbar shnong ha kaba iadei ba kane ka project.
Hynrei ka sorkar jylla ka la nang iaid shakhmat shaid shaid khlem da pyndep ia ki jingkular. Ka sorkar ka khlem lah bandep shwa ia ki awareness programe bad kam don ka jingiatrei lang bad ki dorbar shnong namar kumba la tip ka sorkar kam shim la ithuh ia ki dorbar shnong la shisnem tam, hynrei ka la kyrkieh ban pyndep noh ia kine ki project wat hadien ka rai bad jingpynshai jong ka supreme court ba U aadhar um long compulsary iano iano ruh.
Ka jylla ka la iakhun ia ka jingeh jong ka jingwan buhai shnong ki bar ri la bun bun snem, bad ym lah ban len ba don buh bah ki mynder ki ba don ha ka jylla ki ba shu ap lano yn ioh epic card ban long trai. U aadhar u dei u residence proof bad u NPR u dei u citizenship proof, bad lada kine ki mynder kin ioh ia u aadhar kam eh shuh ba kin ioh epic ruh bad ban long trai syndon.
Ka KHNAM ka ong ba namar la iohi ba ka jingpynrung kyrteng lymba ki biometric camp ki long ki ba lait lan khlem da don kino kino ki kyndon ban khang lad ia ki illegal, wat ki ba apply online ruh la don, kane kan pynsuk bha ia ki riew shim kabu ba long trai, ka jingkren jong ka sorkar ba ka jingpynrung kyrteng kan long beit ia baroh ia ki trai ri ruh bad ia ki bym dei trai ruh ruh khnang baka sorkar India kan lah ban ithuh mano u trai shnong bad mano umynder ka long kaba sngew thamula, namar lada ka sorkar jylla kam lah ban ithuh mano na ki ba don ha ka jylla ki dei ki trai ri bad mano ki bym dei.
Ka jingkylli kaba ka KHNAM ka buh ka long ba kumno ka sorkar india kan lah, ha kano ka rukom yn rai mano ba dei trai bad mano ba dei illega ruh kam long kaba shai. Ka seng hi da ka jingsngew khia halor ka jingkiew stet ki mynder ha ka jylla, ka pynrem jur ia kane ka jingpyrshang jong ka sorkar jylla bad ka sorkar pdeng kaba la pyrshang borbah ban ailad ia ki mynder lymba ka pynrung kyrteng naka bynta ka NPR bad adhar, da kaba pynbiet ia u paidbah trai ri ha ki kyrteng jong ki scholarship, ki khaw roshon bad kiwei ki jingdonkam jong ki paidbah. Ka seng ka kyntu ia ki nongmih khmat ban pyrkhat sani bha ban ia da ia ka jylla na ka jingwan tuid ki mynder ri.
