Shillong, Naiwieng 26: U Bah Gardon Kharshandy president jong ka party NPP jong ka 17-Shillong North Constituency u la ong ba na ka liang jong ka seng ka kwah ban pyntip ba u Bah Don War u ba la kam ia lade ba u dei u dkhot jong ka seng NPP, une u rangbah haduh mynta ym pat rung kum u dkhot jong ka ka party.
La ong ba katkum ka riti pyniaid seng u ne ka briew kiba khlem pat rung sha ka party kim lah ban kam ia lade bad ki dei ki dkhot jong ka party bad lada don ba kam yn nym lah ban pdiang lada khlem da but ia ki kyndon pyniaid jong ka seng.
U bah Gardon u la ong ba haduh mynta ka don tang kawei ka kyrteng kaba la pan tiket ban ia khun na ka NPP na ka 17 Shillong North Konstitwensi bad u ta u dei u Bah Erwin K Syiem Sutnga ia u ba la pdiang ka party NPP na ka Shillong North.
Na ka liang jong ka party NPP mynta ka dang iai ap ia ka rai jong ka election committee jong ka party ba kan ai ia ka tiket ban ia khun ia ka MLA Elekshon ha u snem 2018. Kumba ka long ka party napoh jong ka Shillong North kala ai ia ka jingmynjur ia ka kyrteng jong u Bah Erwin K Syiem Sutnga.
Kane ka long katkum ka kyrwoh kaba la phah da u Bah Gardon Kharshandy president bad u Bah Shaphar Rani organising Committee jong ka NPP Shillong North.
