Kam ka RBYO,80% ki shnong ha Ri Bhoi la ioh rung ki bar jylla, maham ia ki rangbah shnong

Shillong, Jymmang 03: Ka seng Ri Bhoi Youth Organsiation (RBYO) kala kam ba 80% ki shnong kiba don ha them Ri Bhoi la ioh rung ki bar jylla, na ka liang jong ka seng ka maham ia ki rangbah shnong kiba kdup ia ki briew kiba nabar, la ong u Bah Baiateilang Lapang president ka seng.

Haba kren ha ki nongthoh khubor mynta ka sngi ha Shillong Press Club, u Bah Baiateilang u la ong ba kum ka seng kala ia kynduh ia u Chief Executive Member jong ka KHADC u Bah Teinwell Dkhar bad ha kane ka jingiakynduh kila kyntu ia ki bor jong ka District Council ba kin pynkhlain ia ki bor jong ki dorbar shnong.

La kynnoh ba bun na ki rangbah shnong bad ki dkhot jong ka dorbar shnong dei ma kiba kdup ia ki bar jylla ban ioh rung sha ki shnong ki thaw. Ha ka jingshem jong ka seng la lap ba 80% ki shnong ha them Ri Bhoi kila ioh rung ki bar jylla.

U bah Krongding Nongbsap general secretary jong ka seng u la ong ba na ka liang jong ka seng ka maham ia ki rangbah shnong kiba kdup bad iada ia ki bar jylla ban ioh rung ha ki shnong ki thaw. Haba phai sha ka District Council ka ong ba ka dei ka stieh jong ka jaidbynriew kila don bun ki ain hynrei kam don ia ki mat trei kam.

Ha katei ka jingiakynduh ia u CEM jong ka KHADC halor kitei ki ar tylli ki mat, na ka liang jong u CEM jong ka KHADC u la ai ka jingkular ia ki dkhot ka seng ba un skhim khia ia kane ka phang da kaba yn ia kren bad ia trei lang bad ki khlieh nongsynshar ban ia da na ka jingwan rung kyrthep ki briew kiba na bar.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet