Shillong Nailur 07: Mynta ka sngi ki nonghikai skul kiba hikai hapoh ki Deficit Patern kila ai da ka jingthoh sha ka sorkar ban dawa ba ka sorkar ka dei ban pynkiew kyrdan noh ia ki skul deficit patern sha ki skul defict.
Ki nong Deficit Patern hapoh ka lama jng ka All Meghalaya Upper Primary bad Secondary Deficit Pattern School Teachers Association (AMUPSDPST), haba kren ha ki lat pathai khubor mynta ka sngi la ong ba kila buh ia kane ka jingdawa jong ki ha khmat ka sorkar.
U Sengbat G Marak President ka seng la ong ba kila phah ia ka dorkhas sha u Myntri Rangbah ka jylla, u Symbud Myntri Rangbah ka jylla, u Myntri ka tnad Pue puthi bad sha u Director jong ka tnad Pule Puthi ba ia ki skul defict patern dei ban kyntiew noh sha ki deficit.
U General Secretary ka seng u Lindias Sangma, u la ong ha Meghalaya ki don bun jait ki skul bad ki skul Deficit Pattern ha kane ka jylla ki don 13 tylli baroh kynthup ia ki skul Secondary bad Upper Primary. Na ki 13 tylli ki skul Deficit Pattern 9 tylli ki dei ki skul Secondary, 4 tylli ki skul Upper Primary.
La iathuh ruh ba baroh kiba trei ha ki 13 tylli ki skul deifict pattern ki don 106 ngut, ki bym dei ki nonghikai ki don 21 ngut, ki nonghikai ha ki Secondaryskul ki don 85 ngut, ki bym dei ki nonghikai ki don 17 ngut baroh. Ha ki Upper Primary ki nonghikai ki don 21 ngut bad na kine ki bym dei ki nonghikai ki don bad ki bym hikai ki don tang 4 ngut baroh.
U General Secretary la ong ba ka jingdon ki nonghikai ha ki skul deficit patern ki duna bha hynrei kaba sngewsih ka long ba kila shah lehbein bha la kynnoh u tei u nongialam ka seng AMUPSDPST.
Ia ki 13 tylli ki skul deficit patern ka sorkar kala iehbein ia ki naduh u snem 1989 ban shah kyntiew kyrdan kum ki skul Deficit kiba pura watla kitei ki skul kila long kiba dei hok ban ioh naduh katei ka por bad dei tang ka sorkar ha katei ka por kaba tip ia ka daw balei kitei ki skul kila shah iehbein, la ong u Lindias Sangma.
