Shillong, Kyllalyngkot 20: ka KSU Laskeiñ Circle hapoh Ka jingialam u President , Samla Balawan Suchiang, General Secretary Samla Peter Ram Sutnga, bad u Assistant General Secretary Samla Garland S Manner bad ki dkhot kila leit hiar Sha Shnong Mowluber Block 1 ban leit jurip da la ki jong ki khmat ia ka Jingpyntrei iaka Iing skul bala pyniaid Daka Balang Catholic napoh Karbi Anglong District Assam.
Haka jingleit jurip jong ka Seng lalap ba ki la donlang ruh ki pulit Assam kiba pahara ha katei ka jaka naka bynta ban pynieng ia katei ka iingskul ha katei ka shnong. Hadien baka ka Seng kala iohì iaka jingthmu jong ka Balang Napoh Karbi Anglong ban pynieng ia katei ka iingskul shapoh u pud u sam jong ka Mehhalaya ka Seng ka la pyrshah jur bad ka la khanglad ruh iakatei ka jingthmu.
” Ngim shah ban pyntrei da lei lei ruh ia kane ka skul namar ba ka Mowluber ka dang don hapdeng ka jing ia khajia pud (dispute area) haduh mynta” la ong ki nongialam ka Seng.
Haba iakren bad u Waheh Shnong jong ka shnong Mowluber u la iathuh ba la bun bun sien naka liang ka bor shnong kala dep leit ia kynduh shaduh sha Diphu West Karbi Anglong District ban pyrshah jur iakatei ka jingthmu ban pynieng iakatei ka skul bad naka liang ka Shnong ka ladep ia kren markhmat bad u Phadar ba pyntrei ia kane ka skul jong ka Diphu Diocese hynrei watla katta ruh kam poi shano shano ruh ka jingiakren.
Haba iakren bad utei u Phadar u ong ka ka jaka ban pynieng ia katei ka skul kan long haka jingheh kumba 42,000 hajar Sq feet bad u la ong ruh iakane ka Skul La peit daka Diphu Diocese Assam, kumta baroh ki jingthoh naka bynta katei ka skul kin hap beit shapoh Assam West Karbi Anglong District.
Halor kane ka jingbteng ka Assam ban pyntrei ia kane skul hapoh u pud u sam jong ka Meghalaya naka liang jong ka Seng ka la kren beit da ka ba shai ba da lei lei kan ym shah ban pyntrei ia kane ka skul kumba ka shnong ruh ka pyrshah ban pyntrei iaka.
Kumta lada ki bor pyniaid jong ka skul kim sngap ne sangeh ban pyrtrei ka Seng hi kam banse ban leit pynpra syndon iakatei ka jingtrei.
Haka juh ka por ka KSU ka kyntu jur ia ka sorkar MDA ban pynbeit noh kloi ia u pud u sam jong ka Jylla hi baroh kawei khnang ba ki para doh para snam jong ngi kin ym syier ne shah pyndik ha ki bor jong ka sorkar Assam. Ka Seng ka kren daka ba shai sha ka sorkar Meghalaya ba lada kam lah ban iada ia ki paid khappud jong ngi, ka sorkar ka ladei ban ai ha ki dkhot ka Seng da ki tiar ialeh ban iada hi iaki paradoh para snam lajong.
Khatduh khatwai naka liang ka seng ka ong kam myntoi ban rakhe iaka Meghalaya Day, kat ba ia u Pud u Sam khlem lah ban pynbeit wat la ka jylla Meghalaya ka la kynjoh sha ka 47 snem mynta ruh, pynkut ka kyrwoh naka Seng.
