Williamnagar Risaw 24: U my
ntri rangbah jong ka sorkar jylla u Dr Mukul Sangma mynta ka sngi u la buh ia u Mawnongrim ban shna ia ka surok kaba 54 km na Rongjeng-Mangsang sha Adokgre bad ka jingshna ia kane ka surok ka long ruh ban siang bad ka rong ha ka juh ka por, ia kane ka surok la bei pisa na ka skhim Non Lapsable Central Pool of Resources (NLCPR).
Haba kren ha kane ka jingialang paidbah na ka liang jong u Myntri rangbah u la ai khublei ruh ia ki paidbah jong ka West Khasi Hills kiban ia ioh bynta lang na kane ka skhim shna surok kaba T.210 klur tyngka, ynda la dep kane ka surok ki paidbah kin sa iaid ban leit sha Williamnagar lyngba kane ka surok. La ong ba kane ka dei ka skhim kaba heh duh ha Garo Hills.
Ha kane ka jingialang paidbah na ka liang jong u myntri rangbah u la kam ba ki surok kiba la peit da ka State Highway ki kham bha ban ia ki jong ka National Highway. Da ka jingdon kane ka surok kam wanrah ia ka jingia sngew jan ha pdeng ki Garo bad ki Khasi kiba ia im ha katei ka thain.
Haba kren ha kiba bun ki kam pynroi kiba ka sorkar ka leh, u la ong ba ka shna ia ka Engineering College kaba nyngkong eh ha ka jylla hapoh Mawlai, haba ia dei bad u Vice Chancellor ia ka University kaba dei jong ka sorkar jylla la dep ban thung bad ia ki class yn sa sdang ha u snem ban wan. U la ong ba ai ki khun kin ioh ban pule hala ka jong ka jylla. Ka jylla kan sa iohi ia ki kam kiba bha ha ki snem kiban dang wan.
Ha ka jingkren jong ka Debora Ch Marak myntri ba die peit ia ki kam skul kala ong ba ia ka Rongjeng Administrative Unit yn plie shuwa ka 15 tarik jong u Naiwieng. Kane ka long ban pynurlong ia ka jingangnud jong ki paidbah. Kiwei kiba la kren ha kane ka sngi ki long u Cherak W Momin, MLA jong kane ka jaka u Sengman Marak, la don lang ruh u CE jong ka PWD u Bah L D Suchiang, bad bun kiwei kiwei ki heh sorkar ban ia sakhilang ia kane ka sngi.
