Shillong, Risaw 25: U General Secr
etary jong ka All India Congress Committee (AICC) ba dei peit ia ka jylla Meghalaya u Dr C P Joshi, u kam ba ka Congress kan thaw ia ka sorkar ha kane ka jylla Meghalaya ha dien ka election jong u snem 2018.
Ka party Congress kan leit sha u paidbah ha kane ka election kaban long ha u snem 2018 halor ki kam kiba ka sorkar kala leh na ka bynta ka roi ka par ha kine ki snem baroh. Kumba ka long ka sorkar la pynmih shibun ki skhim na ka bynta ban kyntiew ia ka ioh ka kot jong ki paidbah ha ka jylla.
Ha ka jingiakynduh bad ki briew jong ka party mynta ka sngi la sngewthuh ba ka phang pdeng jong ka election kan long halor ka rai jong ka NGT, halor kane na ka liang jong ka seng Congress kala sngewthuh kumno ban leh ha kane ka bynta ban pynshai sha ki paidbah.
Haba jubab ia ka ki jingkylli halor ka jingmih noh jong ki MLA ka seng Congress ban leit ban pyniasoh sha kiwei ki party u la ong ba kane kam dei shuh kaba phylla hapoh ka party kum kine ki juh jia man ka por haba la jan ka election, u la ong bay m dei ban klet wat ia ki MLA ka party kala dep ban pynduh tiket, Kam long kaba phylla ba ki MLA kin mih bad leit ban pyniasoh bad kiwei ki party.
Ha ka jingkren jong u Dr Mukul Sangma myntri rangbah ka jylla u la ong ba ka seng kan pynthikna ba kito ki MLA kiba phet seng kin rem ha kane ka election ban wan namar kala don ki kyrtong kiba kham khlain ban ia ki la ong u Dr Mukul Sangma.
