Shillong, Naiwieng 24: u Publicity Secretary jong ka seng lehnoh HNLC u Bah Sainkupar Nongtraw, ha ka jingpynlait khubor mynta ka sngi u la kam ba u la ia kren bad u SP, M Kharkrang lyngba ka email, hato ka sorkar Congress ka nud ban kem ia u bad balei ka slem ban kem ia ka myntri kam poh iing kaba rim ka kong Roshan Warjri.
Ha kane ka kyrwoh kaba la phah mynta ka sngi na ka liang jong ka seng lehnoh ka HNLC ka ong ba kino kino kiba kwah ban pyniasoh ia lade bad ka seng Art of Living kilah ban leit namar ka dei ka seng ka bymd on kano kano ka jingkhein jait ne kynja lane kamd on kata ka jingiapher niam.
Katto katne ki bynta jong ka email kaba la kam da u Bah Sainkupar Nongtraw ba kila ia phah mar kylliang ha pdeng jong u bad u SP, M Kharkrang. Kawei na ki bynta jong ka email kaba la kam da u Bah Sainkupar Nongtraw ba la thoh da u SP, M Kharkrang, “Bah Sainkupar Nongtraw Kyrmen ba phi don ha ka met ba shait ba khlain kumba long manga shane da ka jingsumar ieit u Trai Nongbuh Nongthaw” .
“Bah Sain Kyrmen ba phi la ioh ia ki emails jong nga ba nga phah myn ha kane tang ba nga khlem pat ioh jubab ei ei na phi. Sngew bha sa phone ne sa thoh sha nga kumno phi pyrkhat namar nga lah ia pynbeit bad u DGP bad ngi la kloi ban pdiang ia phi ba phin wan phai noh sha la iing ban iashem bad ki ba ha iing bahasem baroh”.
U Publicity Secretary jong ka seng HNLC u Bah Sainkupar Nongtraw u la kam ba kawei na ki jubab kaba la phah sha u SP, M Kharkrang u la ong ba kawei na ki ka long, “ to m_kharkrang, “Khublei Bah…Nga sngewnguh iaka jingtyrwa jong phi,tang ba phin rah
shimet ianga kan nym don jingmyntoi lada phim lah ban rah iaka seng kum ka kynhun baroh kawei sha ka miej jingiakren bad ka Sorkar, Phi iohi wat hadien ba u Bah Julius Dorphang u lah pyndem ka jingialeh ka HNLC kam pat kut hi haduh mynta. Khublei Shibun Eh. Sd/- Saińkupar Nongtraw Publicity Secretary,HNLC”.
