Shillong, Nailur 16: Mynta ka sngi u Conrad K. Sangma MP jong ka Tura u la leit ban ia shim bynta ha ka Arunodoi, ka Northeast Student bad Youth Summit kaba la long ha Indira Gandhi National Centre of Arts. Ha ka jingkren ka jong u u la pynsngew halor ka jingdon kam ia ki samla ban kyntiew ia ka dang shatei lam mih ngi jong ka Ri India.
Ha ka jingkren jong u MP ka Tura u la ong kan long kaei kaei kaba bha lada ba kin shim ia ki jingai jingmut kiba la ia kren ha kane ka sngi. Ha kane ka sngi la don lang ruh u myntri korbar Ri u General V. K. Singh u ba dei u myntri khynnah.
Na ka liang jong u Conrad u la ong ba kan long kaei kaei kaba bha lada lah ban wad ia ki lad ki lynti kumno ban pynsuk ia ki nongwan jngohkai pyrthei kiba dei na ka Ri Bangladesh kumba la ai jingmut. Na ka liang jong u Conrad u la pynlait por khnang ban ia don bynta lang ha kane ka sngi wat hapdeng ki jingbun kam ki jong u.
