Shillong, Nohprah 13: U Lat jong ka jylla u Tathagata Roy un sa plie ia ka jingpyninam kaba san sngi lynter ia ki dur ba kham kyrpang jong u Mahatma Gandhi u kpa jong ka jaidbynriew ha JN Stadium Shillong kaban sdang ha ka 17 tarik mynta u bnai, ia kane ka jingpyninam la pyniaid da ka Bureau of Outreach & Communication (BOC) jong ka sorkar pdeng.
Ia kane ka jingpyninam ia ki dur ba kyrpang jong Mahatma Gandhi la tip kyrteng kum ka “SaafNiyatSahiVikas” ia kine ki dur ynsa batai ha ka ktien Khasi, Garo bad Jiantia. Ha kane ka jingpyninam ia ki dur jong u kpa ka jaidbynriew yn pyniruh ia ki dur jong ka thma 1971 bad kan don ruh ka jingpynkup burom ia ki shipai kiba ia ia shim bynta ha katei ka thma.
